Լայպցիգը գավաթային խաղում առանց լուրջ դիմադրության հանդիպելու հասավ 1/4 եզրափակիչ🎥

Գերմանիայի գավաթի 1/8 եզրափակչի շրջանակում «Լայպցիգը» սեփական հարկի տակ ընդունեց Երկրորդ Բունդեսլիգան ներկայացնող «Բոխումին» և չհանդիպելով լուրջ դիմադրության՝ հաղթեց 4։0 հաշվով՝ ապահովելով իր տեղը քառորդ եզրափակչում։

Յուլիան Նագելսմանի սաները խաղակեսերից յուրաքանչյուրում խփեցին 2-ական գնդակ։

Առաջին խաղակեսի 11-րդ և 45+1-րդ րոպեներին գոլերի հեղինակներ դարձան համապատասխանաբար Ամադու Այդարան և Մարսել Զաբիթցերը։

Երկրորդ խաղակեսում աչքի ընկնելու հերթը տանտերերի դանիացի հարձակվող Յուսուֆ Պոուլսենինն էր, ով նախ՝ 66-րդ րոպեին եռապատկեց իր թիմի առավելությունը, ապա նաև՝ 9 րոպե անց դուբլ գրանցեց իր ակտիվում՝ ձևակերպելով հանդիպման վերջնահաշիվը՝ 4։0։

Այս հաղթանակից հետո «Լայպցիգի» տղաները նվաճեցին 1/4 եզրափակչի ուղեգիր, որտեղ կսպասեն իրենց մրցակցին։

«Բոխումը» լքում է պայքարը գավաթային մրցաշարում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am