Եվրո-2020-ի առաջին տուրի լավագույն ֆուտբոլիստն` ըստ Interfootball-ի հետևորդների

Եվրո-2020-ը մեր սպասվածից շատ ավելի հետաքրքիր պայքարում է անցնում և դեռևս հիասթափությունների պատճառներ էլ չկան։

Հունիսի 15-ին ավարտվեց Եվրոյի խմբային փուլի 1-ին տուրը, ինչից հետո հաջորդ օրը Interfootball-ի Telegram-ի պաշտոնական ալիքում հարցում տեղադրվեց, որպեսզի պարզենք մրցաշարի այդ փուլի լավագույն ֆուտբոլիստին։

Քվեարկության շրջանակում պայքարը հիմնականում ընթացավ երեք ֆուտբոլիստների` Կրիշտիանու Ռոնալդուի, Ռոմելու Լուկակուի և Պատրիկ Շիկի միջև։

Քվերակության արդյունքում, ամեն դեպքում, հաղթող դարձավ և Եվրո-2020-ի առաջին տուրի լավագույն ֆուտբոլիստ ճանաչվեց Պորտուգալիայի հավաքականի ավագ և առաջատար Կրիշտիանու Ռոնալդուն, ով ստացավ ձայների 37%-ը։

Հավելենք, որ 36-ամյա ֆուտբոլիստը, Հունգարիայի դեմ խաղում (3:0) դառնալով դուբլի հեղինակ, Եվրոպայի առաջնությունների շրջանակում իր խփած գոլերի քանակը հասցրեց 11-ի, շրջանցեց Ֆրանսիայի լեգենդար նախկին հարձակվող Միշել Պլատինիին և դարձավ մրցաշարի պատմության բոլոր ժամանակների լավագույն ռմբարկու։

Երկրորդ և երրորդ հորիզոնականները համապատասխանաբար զբաղեցրել են Ռոմելու Լուկակուն (Բելգիա, 22%) և Պատրիկ Շիկը (Չեխիա, 19%)։

Առաջարկված մյուս թեկնածուները բաշխվել են հետևյալ հերթականությամբ.

4. Ժորժինիո Վեյնալդում (Հոլանդիա, 7%)

5-6. Չիրո Իմոբիլե (Իտալիա, 4%)

5-6. Դենզել Դումֆրիս (Հոլանդիա, 4%)

7. Պոլ Պոգբա (Ֆրանսիա, 3%)

8-9. Լուկաշ Հրադեցկի (Ֆինլանդիա, 2%)

8-9. Ռոբին Օլսեն (Շվեդիա, 2%)

10. Լեոնարդո Սպինացոլա (Իտալիա, 0%)

Միացեք Interfootball-ի Telegram-ի ալիքին այս հղումով https://t.me/Interfootball_am, որպեսզի մասնակցեք անցկացվող մյուս հարցումներին։