Գործարքը կայացած է. Ռուբեն Լոֆթուս-Չիկը տեղափոխվում է Միլան

«Չելսիի» կիսապաշտպան Ռուբեն Լոֆթուս-Չիկը կարիերան կշարունակի «Միլանի» կազմում։

Ինչպես տեղեկացնում է ինսայդեր Ֆաբրիցիո Ռոմանոն, գործարքի հարցում կողմերը հասել են վերջնական համաձայնության, որի դիմաց «ռոսոներիներն» «ազնվականներին» վճարելու են 16 մլն եվրո։

Լոնդոնյան ակումբը հետագայում ևս 4 մլն եվրո կվաստակի տարբեր հավելավճարների տեսքով։

Նշվում է, որ 27-ամյա ֆուտբոլիստը միլանյան ակումբի հետ երկարաժամկետ պայմանագիր է կնքելու, որի մանրամասները չեն հաղորդվում։

Հավելենք, որ անգլիացի կիսապաշտպանը «Չելսիի» սան է, որի կազմում անցկացրել է 155 հանդիպում` դառնալով 13 գոլի և 18 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am