Նևիլ․ «Հետաձգեք Սիթի-Տոտենհեմ հանդիպումը․ նրանց չի հետաքրքրում անգլիական ֆուտբոլը»

«Մանչեսթեր Յունայթեդի» նախկին եզրային պաշտպան Գարի Նևիլը , ով ներկայումս Sky Sports հեռուստաընկերությունում աշխատում է որպես ֆուտբոլային փորձագետ, կապված Սուպերլիգայի ստեղծման հետ, հորդորում է չեղարկել ապրիլի 25-ին Անգլիայի լիգայի գավաթի եզրափակչի շրջանակում կայանալիք «Մանչեսթեր Սիթի» – «Տոտենհեմ» հանդիպումը։

«Պետք է գործել, քանի որ սա հզոր հարձակում է։

Այն միտքը, որ կարող է ինչ-որ բան պատահել․․․ հետաձգեք կիրակի օրը նախատեսված «Սիթի» – «Տոտենհեմ» հանդիպումը։

Ո՞ւմ է դա հետաքրքրում։ Նրանց չի հետաքրքրում։ Հետաձգեք հանդիպումը։ Նրանց չի հետաքրքրում անգլիական ֆուտբոլը։ Ինչո՞ւ նրանք պետք է խաղարկեն Լիգայի գավաթը։

Պետք է դիտարկել նման մակարդակի որոշումները, քանի որ նրանք ստիպված են հասկանալ, որ նման քայլերով այս երկրում ոչ մեկի չպետք է վախեցնեն։

Նրանք սպառնում են 14 ակումբների, լիգային, Անգլիայի ֆուտբոլային ասոցիացիային։ Այդ 6 ակումբների ղեկավարները կառավարում են երկիրը»,- նշել է Նևիլը, ում խոսքերը փոխանցում մեջբերում է The Sun-ը։

Հիշեցնենք, որ Սուպերլիգայի ստեղծմանը միացել են 12 ակումբներ, որոնց թվում են «Մանչեսթեր Սիթին», «Մանչեսթեր Յունայթեդը», «Լիվերպուլը», «Տոտենհեմը», «Արսենալը» և «Չելսին»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am