Ա սերիա. Նապոլին ու Ինտերը մեկնարկեցին վստահ հաղթանակներով 🎥

Մեկնարկեց իտալական Ա սերիայի 2023/24 մրցաշրջանը, որի 1-ին տուրում գործող չեմպիոն «Նապոլին» հյուրընկալվելիս մրցեց առաջնության նորեկ «Ֆրոզինոնեի» դեմ։

Տանտերերը պարզապես սառը ցնցուղ էին պատրաստել նեապոլիտանական ակումբի համար և արդեն 7-րդ րոպեին Աբդու Հարուիի ջանքերով բացեցին հաշիվը։

Այդուհանդերձ, շոկային մեկնարկը չընկճեց «աձուրիներին», ովքեր հետագայում երեք անպատասխան գնդակ ուղարկեցին Ստեֆանո Տուրատիի պաշտպանած դարպասն ու հաղթեցին 3:1 հաշվով։

Ռուդի Գարսիայի թիմից դուբլի հեղինակ դարձավ Վիկտոր Օսիմենը, մեկ գոլ էլ խփեց Մատեո Պոլիտանոն։

Նշենք, որ «Նապոլին» Գարսիայի գլխավորությամբ անցկացրեց առաջին պաշտոնական հանդիպումը։

1-ին տուրում «Ինտերը» սեփական հարկի տակ մրցեց «Մոնցայի» դեմ։

Հանդիպման մեծ մասում «ներաձուրիներն» ունեին խաղային լուրջ առավելություն` հաղթելով 2:0 հաշվով. դուբլի հեղինակ դարձավ Լաուտարո Մարտինեսը։

Նշենք, որ «Ինտերի» կազմից հանդիպմանը մասնակցեց նաև Հենրիխ Մխիթարյանը։

Այսպիսով, «Ինտերն» ու «Նապոլին» նոր մեկնարկած առաջնությունում վաստակեցին առաջին 3 միավորը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am