Ռոմանո. «Ռոնալդուն ցանկանում է լուծում գտնել տրանսֆերային շուկայում»

Ռոմանո. «Ռոնալդուն ցանկանում է լուծում գտնել տրանսֆերային շուկայում»

23/08/2021 - 12:07

Իտալական Ա սերիայի մեկնարկային տուրում «Յուվենտուսը» հյուրընկալվելիս չկարողացավ կոտրել «Ուդինեզեի» դիմադրությունը. գրանցվեց 2:2 հաշիվը։

Այդ հանդիպումը պահեստայինների նստարանից սկսեց թուրինյան ակումբի առաջատար Կրիշտիանու Ռոնալդուն։

Երբ դեռ խաղը չէր մեկնարկել, իտալացի ինսայդեր Ֆաբրիցիո Ռոմանոն Twitter-ի իր միկրոբլոգում գրառում էր կատարել` հաստատելով, որ Ռոնալդուն մնալու է պահեստայինների նստարանին։

«Ռոնալդուն խնդրել է, որպեսզի այդ խաղն սկսի պահեստայինների նստարանից` հուսալով առաջիկա օրերին տրանսֆերային շուկայում լուծում գտնել»։

Դրան զուգահեռ, «Յուվենտուսը», Կրիշտիանուի տրանսֆերի հետ կապված, դեռևս որևէ առաջարկ չի ստացել»,- գրել է Ռոմանոն։

Հիշեցնենք, որ օրեր առաջ համաշխարհային մամուլում տեղեկություն տարածվեց, թե պորտուգալացի ֆուտբոլիստը լքելու է «բյանկոներիների» շարքերը ու նրան կապում էին «Մանչեսթեր Սիթիի», «Մանչեսթեր Յունայթեդի», ՊՍԺ-ի ու «Ռեալ Մադրիդի» դեմ։

36-ամյա հարձակվողն այդ ամենից հետո ստիպված եղավ հանդես գալ պաշտոնական հայտարարությամբ` նշելով, որ իր և «Ռեալի» միջև պատմությունն ավարտվել է, սակայն մյուս ակումբների վերաբերյալ որևէ խոսք չի եղել։

Հավելենք, որ, ամեն դեպքում, «Ուդինեզեի» դեմ հանդիպման 60-րդ րոպեին Ռոնալդուն դուրս եկավ փոխարինման։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2019 By Sh.Gor