Նապոլին ավարտին է հասցրել Խետաֆեի պաշտպանի տրանսֆերը

Նապոլին ավարտին է հասցրել Խետաֆեի պաշտպանի տրանսֆերը

25/05/2022 - 11:03

«Խետաֆեի» ձախ պաշտպան Մաթիաս Օլիվերան կարիերան կշարունակի «Նապոլիի» կազմում։

Ինչպես տեղեկացնում է ինսայդեր Նիկոլո Սկիրան, նեապոլիտանական ակումբը 24-ամյա ֆուտբոլիստի տրանսֆերի դիմաց վճարելու է 13 մլն եվրո, իսկ նրա հետ կնքելու է 5 տարվա պայմանագիր` մինչև 2027 թ. հունիսի 30-ը։

Սպասվում է, որ ուրուգվայցի պաշտպանը «Նապոլիում» կվաստակի տարեկան 1.4 մլն եվրո աշխատավարձ։

Աղբյուրի փոխանցմամբ` Օլիվերան արդեն բուժզննում է անցել «Նապոլիի» համար։

Ֆաբրիցիո Ռոմանոն էլ հայտնում է, որ Օլվերայի տրանսֆերի հարցում «Նապոլին» ու «Խետաֆեն» համաձայնության են հասել դեռևս սույն թվականի հունվարին. այժմ մնացել է ակումբները ստորագրեն անհրաժեշտ բոլոր փաստաթղթերն ու պաշտոնապես հայտարարեն գործարքի մասին։

Հավելենք, որ Մաթիաս Օլիվերան «Խետաֆեի» կազմում հանդես է գալիս 2017 թ. օգոստոսից, որի մարզաշապիկով անցկացրել է 111 հանդիպում` դառնալով 2 գոլի և 7 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022