Լեռնային Արցախը կմասնակցի VBET ՀՊԼ-ի 2022/23 մրցաշրջանին

Լեռնային Արցախը կմասնակցի VBET ՀՊԼ-ի 2022/23 մրցաշրջանին

05/07/2022 - 11:12

Ինչպես հայտնում է ՀՖՖ պաշտոնական կայքը, հուլիսի 4-ին կայացել է Գործկոմի հերթական նիստը։

Աղբյուրի փոխանցմամբ` նիստի ժամանակ ՀՖՖ Գործադիր կոմիտեի անդամներին ներկայացվեց «Լեռնային Արցախ» ՖԱ նամակը, որում ակումբը, ներկայացնելով լրացուցիչ տեղեկատվություն, դիմել էր VBET Պրեմիեր Լիգայում հանդես գալու համար:

Ակումբը հավաստիացրել էր, որ պատրաստ է բավարարել ՀՖՖ Ակումբների արտոնագրման կանոնակարգի (2021թ. խմբագրություն) Հոդված 17-ի պահանջները, որոնց բացակայության պատճառով ՀՖՖ Արտոնագրման կոմիտեի՝ ապրիլի 1-ին կայացած նիստը մերժել էր ակումբին VBET Հայաստանի Պրեմիեր Լիգայում հանդես գալու արտոնագրի տրամադրումը:

ՀՖՖ Գործկոմի անդամները, մանրամասնորեն քննարկելով «Լեռնային Արցախ» ՖԱ հարցը, որոշեցին թույլատրել «Լեռնային Արցախ» ՖԱ-ին մասնակցել VBET Հայաստանի Պրեմիեր Լիգայի 2022/2023 մրցաշրջանին:

Այսպիսով, VBET Հայաստանի Պրեմիեր Լիգայի 2022/2023 մրցաշրջանին կմասնակցեն հետևյալ 10 ակումբները՝ «Փյունիկը», «Արարատ-Արմենիան», «Ալաշկերտը», «Արարատը», «Ուրարտուն», «Նոան», «Վանը», ԲԿՄԱ-ն, «Շիրակը» և «Լեռնային Արցախը»:

ՀՖՖ հայտնում է նաև, որ VBET Հայաստանի Պրեմիեր Լիգայի 2022/23 մրցաշրջանը մեկնարկելու է հուլիսի վերջին և անցկացվելու է 4 խաղաշրջանով, որի խաղացանկն ու ժամանակացույցը կհրապարակվեն ավելի ուշ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022