Ինսինյեն կարիերան կշարունակի  ՄԼՍ-ը ներկայացնող ակումբի կազմում

Ինսինյեն կարիերան կշարունակի ՄԼՍ-ը ներկայացնող ակումբի կազմում

04/01/2022 - 16:41

«Նապոլիի» ավագ և առաջատար Լորենցո Ինսինյեն կարիերան կշարունակի ամերիկյան ՄԼՍ-ը ներկայացնող «Տորոնտոյի» կազմում։

Ինչպես տեղեկացնում է հանրահայտ ինսայդեր Ֆաբրիցիո Ռոմանոն, իտալացի ֆուտբոլիստը նոր ակումբի շարքերը համալրելու է 2022 թ. հուլիսի 1-ին, որի հետ պայմանագիրը կնքելու է մինչև 2027 թ. դեկտեմբերի 31-ը։

Ինսինյեն նոր ակումբի շարքերը համալրելու է անվճար, քանի որ սույն թվականի հունիսի 30-ից հետո դառնալու է ազատ գործակալ։

30-ամյա վինգերը կանադական ակումբի կազմում վաստակելու է տարեկան 11.5 մլն եվրո աշխատավարձ, որին հետագայում կարող է ավելանալ ևս 4.5-ը` կախված մրցելույթներից։

Ռոմանոն Instagram-ի իր էջում գրում է նաև, որ գործարքն ամբողջությամբ համաձայնեցված է. Ինսինյեն վերջնական որոշում է կայացրել իր ապագայի վերաբերյալ, իսկ տրանսֆերի մասին պաշտոնապես կհայտարարվի առաջիկա օրերին։

Նշվում է նաև, որ «Նապոլին» պայմանագրի երկարաձգման հարցում այլևս որևէ առաջարկ չի անելու Ինսինյեին։

Հիշեցնենք, որ Լորենցո Ինսինյեն «Նապոլիի» սան է, որի կազմում անցկացրել է 415 հանդիպում` դառնալով 114 գոլի և 91 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022