Ըմբշամարտի ԱԱ. Արսեն Հարությունյանը դարձավ բրոնզե մեդալակիր

Ըմբշամարտի ԱԱ. Արսեն Հարությունյանը դարձավ բրոնզե մեդալակիր

18/09/2022 - 20:23

Սերբիայի մայրաքաղաք Բելգրադում մոտենում է ավարտին ըմբշամարտի աշխարհի առաջնությունը։

Սեպտեմբերի 17-ին պայքարի մեջ մտավ Հայաստանի վերջին ներկայացուցիչն` ազատ ոճային Արսեն Հարությունյանը, ով հանդես է գալիս 61 կգ քաշային կարգում։

23-ամյա ըմբիշը մեկնարկային գոտեմարտում 12:2 հաշվով հաղթեց Ուզբեկստանը ներկայացնող Ջահոնգիրմիրզա Թուրոբովին, սակայն 1/4 եզրափակիչում 0:10 պարտվեց ճապոնացի Ռեյ Հիգուչիին։

Հետագայում Հիգուչին դուրս եկավ եզրափակիչ` հնարավորություն տալով Արսենին անցկացնել սփոփիչ գոտեմարտ։

Սփոփիչ գոտեմարտում Հարությունյանն անչափ լարված պայքարում 12:11 հաշվով հաղթեց ալբանացի Իսլամ Դուդաևին։

Այդ հաղթանակից հետո հայ ըմբիշը հնարավորություն ստացավ պայքարել բրոնզե մեդալի համար, որի համար նախատեսված գոտեմարտում 12:0 հաշվով ջախջախեց Սեթ Գրոսին (ԱՄՆ)։

Այսպիսով, Արսեն Հարությունյանը երկրորդ տարին անընդմեջ դարձավ աշխարհի առաջնության բրոնզե մեդալակիր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022