Դանի Ալվեսն ավելին քան 5 տարի անց պաշտոնական հանդիպման մասնակցեց Բարսելոնայի կազմում

Դանի Ալվեսն ավելին քան 5 տարի անց պաշտոնական հանդիպման մասնակցեց Բարսելոնայի կազմում

06/01/2022 - 11:46

Իսպանիայի գավաթի 1/16 եզրափակիչի շրջանակում «Բարսելոնան» հյուրընկալվելիս 2:1 հաշվով կամային հաղթանակ տոնեց երրորդ դիվիզիոնը ներկայացնող «Լինարեսի» նկատմամբ։

Կատալոնական ակումբի կազմից այդ հանդիպմանն ամբողջությամբ մասնակցեց նաև Դանի Ալվեսը, ով հանդես եկավ աջ լատերալի դիրքում։

Հատկանշական է, որ 38-ամյա ֆուտբոլիստը «բլաուգրանասի» կազմում պաշտոնական հանդիպման մասնակցեց ավելին քան 5 տարի անց։

Բրազիլացի պաշտպանը հարազատ ակումբի կազմում վերջին անգամ պաշտոնական հանդիպման էր մասնակցել 2016 թ. մայիսի 22-ին Իսպանիայի գավաթի եզրափակիչում «Սևիլիայի» դեմ կայացած խաղում (2:0)։

Հիշեցնենք, որ վետերան ֆուտբոլիստը 2021 թ. նոյեմբերին ազատ գործակալի կարգավիճակով վերադարձավ հարազատ ակումբ` պայմանագիր կնքելով մինչև 2022 թ. հունիսի 30-ը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022