Բիչախչյանի տրանսֆերային արժեքն էականորեն աճել է

Բիչախչյանի տրանսֆերային արժեքն էականորեն աճել է

27/12/2021 - 11:24

Հեղինակավոր Transfermarkt կայքը թարմացրել է Սլովակիայի Ֆորտունա լիգայում հանդես եկող ֆուտբոլիստների տրանսֆերային արժեքները։

Տրանսֆերային արժեքի լուրջ աճ է գրանցել «Ժիլինայի» հայազգի կիսապաշտպան Վահան Բիչախչյանը, ով այժմ գնահատվում է 900 հազար եվրո։

Հատկանշական է, որ նախորդ թարմացման համեմատ Բիչախչյանի տրանսֆերային արժեքն ավելացել է 300 հազար եվրոյով։

Նշենք, որ այժմ 22-ամյա կիսապաշտպանը «Ժիլինայի» ամենաթանկարժեք ֆուտբոլիստն է և կրկնակի ավելի թանկ է գնահատվում, քան իր մոտակա «հետապնդողներ» Մատուշ Ռուսնակն ու Ադրիան Կապրալիկը, որոնց տրանսֆերային արժեքը 450 հազար եվրո է։

Հավելենք, որ ընթացիկ մրցաշրջանում Բիչախչյանը «Ժիլինայի» կազմում բոլոր մրցաշարերի շրջանակում անցկացրել է 23 հանդիպում` դառնալով 10 գոլի և 8 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022