Բարսելոնայի մասնակցությամբ  խաղում կանանց ֆուտբոլի նոր համաշխարհայինռեկորդ է գրանցվել

Բարսելոնայի մասնակցությամբ խաղում կանանց ֆուտբոլի նոր համաշխարհայինռեկորդ է գրանցվել

23/04/2022 - 00:56

Չեմպիոնների լիգայի կանանց մրցաշարի կիսաեզրափակիչի առաջին խաղում «Բարսելոնան» սեփական հարկի տակ 5:1 հաշվով ջախջախեց «Վոլֆսբուրգին»։

Ինչպես տեղեկացնում է կատալոնական ակումբի մամուլի ծառայությունը, այդ հանդիպմանը «Նոու Կամպ» մարզադաշտում ներկա է եղել 91.648 հանդիսական։

Աղբյուրի փոխանցմամբ` կանանց ֆուտբոլի շրջանակում երբևէ չի եղել դեպք, երբ որևէ հանդիպման ներկա լինի այդքան երկրպագու ` սահմանելով համաշխարհային նոր ռեկորդ։

Հիշեցնենք, որ նախորդ ռեկորդը վերջերս էր գրանցվել` սույն թվականի մարտի 30-ին, «Բարսելոնան» Չեմպիոնների լիգայի կանանց մրցաշարի քառորդ եզրափակիչի պատասխան խաղում 5:2 հաշվով հաղթեց «Ռեալ Մադրիդին». այդ հանդիպմանը ներկա է եղել 91.533 հանդիսական։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022