Բարսելոնայի հարձակվողը մոտ է Կադիս տեղափոխվելուն

Բարսելոնայի հարձակվողը մոտ է Կադիս տեղափոխվելուն

25/12/2021 - 10:09

«Բարսելոնայի» հարձակվող Լյուկ Դե Յոնգը, ում տրանսֆերային իրավունքները պատկանում են «Սևիլիային», շուտով կփոխի ակումբային գրանցումը։

Ինչպես տեղեկացնում է Mundo Deportivo-ն, 31-ամյա ֆուտբոլիստի նոր ակումբը, ամենայն հավանականությամբ, կդառնա «Կադիսը»։

Աղբյուրի փոխանցմամբ` «Սևիլիան» ընդունել է «Բարսելոնայի»` հոլանդացի հարձակվողի վարձակալությունը ժամկետից շուտ ավարտին հասցնելու խնդրանքը։

Նշենք, որ Լյուկ Դե Յոնգի ու «Բարսելոնայի» միջև կնքված վարձակալական պայմանագիրն ավարտվում էր 2022 թ. հունիսի 30-ին։

Հաղորդվում է, որ երեք ակումբներն արդեն համաձայնեցրել են գործարքի բոլոր մանրամասները։ Այժմ Դե Յոնգը պետք է վերջանական որոշում կայացնի, որպեսզի տրանսֆերն ավարտին հասցվի։

Նշենք, որ Դե Յոնգը «Կադիսի» կազմում նույնպես հանդես է գալու վարձավճարով։

Հավելենք, որ 31-ամյա ֆուտբոլիստն ընթացիկ մրցաշրջանում «Բարսելոնայի» կամզում անցկացրել է 12 հանդիպում` դառնալով 1 գոլի հեղինակ։

Հիշեցնենք, որ «Կադիսի» կազմում է հանդես գալիս նաև հայազգի կենտրոնական պաշտպան Վարազդատ Հարոյանը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022