ՊՍԺ-ն պատրաստ է խոշոր փոխանակում առաջարկել «Ատլետիկոյին»

ՊՍԺ-ն Մադրիդի «Ատլետիկոյի» հարձակվող Խուլիան Ալվարեսին ձեռք բերելու տարբերակներ է դիտարկում, գրում է As-ը։

Փարիզյան գրանդի գլխավոր մարզիչ Լուիս Էնրիկեի համար արգենտինացի հարձակվողի տրանսֆերի գնումը կլինի ամռան գլխավոր նպատակը։

Գործարքը, մեծ հավանականությամբ, 100 միլիոն եվրոյից ավելի կարժենա, բայց ֆրանսիական ակումբը ցանկանում է սակարկել` գործարքում ներառելով Լի Կան Ինին և Գոնսալու Ռամուշին, որոնց խաղին «Ատլետիկոյի» ղեկավարները հետևում են։

Մադրիդյան գրանդն ուզում է իր կազմում պահել Ալվարեսին, բայց վճռորոշ կլինի 26-ամյա ֆուտբոլիստի որոշումը։

Արգենտինացու գործակալները տեղյակ են, որ ՊՍԺ-ն լրջորեն հետաքրքրված է հարձակվողի ծառայություններով։

Ավելի վաղ հաղորդվում էր, որ ֆուտբոլիստի ներկայացուցիչները բանակցել են «Արսենալի», «Բարսելոնայի» և «Պարի Սեն-Ժերմենի» հետ։

Խուլիան Ալվարեսն «Ատլետիկոյում» հանդես է գալիս 2024թ. օգոստոսից, 106 խաղում խփել է 49 գոլ, կատարել 17 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml