ՖԻՖԱ-ն որակազրկել է Ուրուգվայի հավաքականի մի շարք ֆուտբոլիստների

ՖԻՖԱ-ն որակազրկել է Ուրուգվայի հավաքականի մի շարք ֆուտբոլիստների

29/01/2023 - 01:35

ԱԱ-2022-ն արդեն մեկ ամսից ավելի է ավարտվել է, սակայն դրա շուրջ խոսակցություններն ու իրադարձությունները չեն դադարում։

Բանն այն է, որ Ուրուգվայի հավաքականի մի շարք ֆուտբոլիստների ՖԻՖԱ-ն որակազրկել է` կապված մրցաշարի խմբային փուլի 3-րդ տուրում Գանայի դեմ կայացած խաղից հետո անվայելուչ պահվածքի հետ։

Այդ խաղում, ճիշտ է, լատինաամերիկացիները հաղթեցին 2:0 հաշվով, սակայն լրացուցիչ ցուցանիշներով պայքարը զիջեցին Հարավային Կորեային։

Հանդիպման ավարտից Ուրուգվայի հավաքականի ֆուտբոլիստները սկանդալ են բարձրել` դժգոհելով գլխավոր մրցավար Դանիել Զիբերտի կայացրած մի շարք որոշումներից։

«Սելեստեի» կենտրոնական պաշտպան Խոսե Մարիա Խիմենեսը վազել է գերմանացի մրցավարի հետևից և նրա անձնակազմի հասցրեին ասել հետևյալ վիրավորական խոսքերը.

«Անառակի որդիներ, գողերի հավաքածու»։

Խիմենեսը, փորձելով հասնել Զիբերտին, պատահմամբ արմունկով հարվածել է ՖԻՖԱ-ի տնօրեններից մեկին։

Այդ դրվագում մասնակցություն են ունեցել նաև դարպասապահ Ֆերնանդո Մուսլերան, պաշտպան Դիեգո Գոդինն ու կենտրոնական հարձակվող Էդինսոն Կավանին. վերջինս հանդիպումից հետո տապալել է ՎԱՌ համակարգի տեսախցիկը։

Հաղորդվում է, որ ուրուգվայցիների պնդմամբ` այդ խաղում Դանիել Զիբերտը երկու ակնհայտ 11-մետրանոց չի նշանակել իրենց օգտին։

Նշենք, որ Խիմենեսն ու Մուսլերան որակազրկվել են ՖԻՖԱ-ի հովանու ներքո կայանալիք 4, իսկ Կավանին ու Գոդինը` 1 խաղով։

Վերոնշյալ ֆուտբոլիստները տուգանվել են նաև համապատասխանաբար 20 և 15-հազարական շվեյցարական ֆրանկով։

Բացի դրանից, այդ ֆուտբոլիստներն այժմ պարտավոր են մասնակցել ՖԻՖԱ-ի կողմից անցկացվող հանրային աշխատանքներին։

Հավելենք, որ անպատիժ չի մնացել նաև Ուրուգվայի ֆուտբոլային միությունը, որը տուգանվել է 50 հազ. շվեյցարական ֆրանկով, իսկ այդ երկրի` ՖԻՖԱ-ի ներքո անկացվելիք հաջորդ տնային հանդիպմանը չի թույլատրվելու վաճառել դարպասների հետևի տրիբունաների տոմսերը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023