Հայտնի է դարձել Օբամեյանգի որակազրկման չափը

Անգլիական Պրեմիեր լիգայի 22-րդ տուրի շրջանակում «Արսենալը» հյուրընկալվելիս մրցեց «Քրիսթալ Փելեսի» դեմ։ Խաղն ավարտվեց 1։1 հաշվով։

Հանդիպման 67-րդ րոպեին չափազանց կոպիտ խաղի համար հեռացվեց հյուրերի առաջատար Պիեր-Էմերիկ Օբամեյանգը։

Հայտնի է դարձել, որ կարգապահական կոմիտեն գաբոնցի հարձակվողին որակազրկել է 3 խաղով։ «Զինագործները» դժգոհ էին մնացել կարգապահական կոմիտեի որոշում և բողոքարկել էին։ Սակայն, բողոքարկումը մերժվել էր։

Այսպիսով, առաջնության լավագույն ռմբարկուներից մեկը բաց կթողնի ԱՊԼ-ի շրջանակում կայանալիք «Շեֆիլդի» և «Չելսիի» դեմ հանդիպումները, ինչպես նաև Անգլիայի գավաթի 1/16 եզրափակչի «Բորնմութի» դեմ խաղը։