Բրազիլիայի հավաքականը գլխավորելու նոր թեկնածու կա
Բրազիլիայի ազգային հավաքականը գլխավորելու թեկնածուների թվում հայտնվել է Մանուել Պելեգրինին, գրում է Mundo Deportivo-ն։
Բրազիլիայի ֆուտբոլային կոնֆեդերացիայի միջնորդները կապվել են չիլիացի մասնագետի ներկայացուցիչների հետ։
Այժմ 71-ամյա մարզչի պահանջարկն աճել է։ Նրա ծառայություններով սկսել են նաև հետաքրքրվել մի շարք ակումբներ։ Շատերին գոհացնում և հիացնում է Պելեգրինիի կատարած աշխատանքը «Բետիսում»։
Այդուհանդերձ, Պելեգրինին ոչ միայն մինչև 2026 թ. հունիսի 30-ը գործող պայմանագիր ունի անդալուզյան ակումբի հետ, այլև նրա հիմնական ցանկությունն իր հարազատ` Չիլիի հավաքականը գլխավորելն է։
Ավելի վաղ հաղորդվում էր, որ Բրազիլիայի հավաքականը գլխավորելու հիմնական թեկնածուներն են Կառլո Անչելոտին («Ռեալ Մադրիդ»), Պեպ Գվարդիոլան («Մանչեսթեր Սիթին») և Ժորժե Ժեզուշը («Ալ Հիլալ»)։
Հիշեցնենք, որ օրեր առաջ «պենտակամպիոնները» գլխավոր մարզչի պաշտոնից ազատել են Դորիվալ Ժունիորին։
Մանուել Պելեգրինին 2020 թ. օգոստոսից մարզում է «Բետիսը»։ Ակումբը չիլիացի մասնագետի գլխավորությամբ 244 խաղում տարել է 116 հաղթանակ, գրանցել 59 ոչ-ոքի, կրել 69 պարտություն։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# Բետիս, Բրազիլիայի հավաքական, Դորիվալ Ժունիոր, Ժորժե Ժեզուս, Կառլո Անչելոտի, Մանուել Պելեգրինի, Պեպ Գվարդիոլա