Մխիթարյանը` Եվրոպա լիգայի կիսաեզրափակիչում ամենաշատ խաղ անցկացրած ֆուտբոլիստների շարքում

Հեղինակավոր Transfermarkt կայքը ներկայացրել է Եվրոպա լիգայի կիսաեզրափակիչում երբևէ ամենաշատ հանդիպում անցկացրած ֆուտբոլիստներին։

Հենրիխ Մխիթարյանը տարբեր ակումբների կազմում 7 հանդիպում է անցկացրել մրցաշարի կիսաեզրափակիչում և այդ ցուցանիշով չորրորդ լավագույն ֆուտբոլիստն է։

Մխիթարյանը Եվրոպա լիգայի կիսաեզրափակիչում երեք հանդիպում անցկացրել է «Արսենալի», երկուական հանդիպում էլ` «Մանչեսթեր Յունայթեդի» ու «Ռոմայի» կազմում

Մխիթարյանը Եվրոպա լիգայում 55 խաղում խփել է 10 գոլ, կատարել 14 գոլային փոխանցում։ Մխիթարյանը 2016/17 մրցաշրջանում «Մանչեսթեր Յունայթեդի» կազմում դարձել է մրցաշարի հաղթող` եզրափակիչում գրավելով «Այաքսի» (2:0) դարպասը։

Եվրոպա լիգայի կիսաեզրափակիչում ամենաշատ հանդիպում անցկացրած ֆուտբոլիստների լավագույն տասնյակն ունի հետևյալ տեսքը.

1. Կևին Գամեյրո («Սևիլիա», «Ատլետիկո Մադրիդ», «Վալենսիա») – 9 հանդիպում
2. Դանիել Կարիսու («Սպորտինգ», «Սևիլիա») – 8
3. Պոլ Պոգբա («Մանչեսթեր Յունայթեդ», «Յուվենտուս») – 8
4. Հենրիխ Մխիթարյան («Արսենալ», «Մանչեսթեր Յունայթեդ», «Ռոմա») – 7
5. Էդուարդո Սալվիո («Բենֆիկա», «Ատլետիկո Մադրիդ») – 7
6. Ալեքսանդր Լակազետ («Արսենալ», «Լիոն») – 7
7. Դանի Պառեխո («Վալենսիա», «Վիլյառեալ») – 7
8. Գրանիտ Ջակա («Արսենալ», «Բայեր Լևերկուզեն») – 7
9. Վիտոլո («Սևիլիա», «Ատլետիկո Մադրիդ») – 7
10. Քրիս Սմոլինգ («Մանչեսթեր Յունայթեդ», «Ռոմա») – 6

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Կոպա Ամերիկա. Բրազիլիայի հավաքականի հայտացուցակը

Բրազիլիայի հավաքականի մամուլի ծառայությունը հրապարակել է այն ֆուտբոլիստների ցանկը, ովքեր հրավիրվել են` մասնակցելու առաջիկա ընկերական հանդիպումներին և Կոպա Ամերիկա-2024-ին։

«Պենտակամպիոնների» գլխավոր մարզիչ Դորիվալ Ժունիորը հրավիրել է հետևյալ ֆուտբոլիստներին.

Դարպասապահներ – Ալիսոն Բեկեր («Լիվերպուլ», Անգլիա), Էդերսոն («Մանչեսթեր Սիթի», Անգլիա), Բենտո («Ատլետիկո Պարանաենսե»)

Պաշտպաններ – Լուկաս Բերալդո, Մարկինիոս (ՊՍԺ, Ֆրանսիա), Էդեր Միլիտաո («Ռեալ Մադրիդ», Իսպանիա), Դանիլո («Յուվենտուս», Իտալիա), Գաբրիել («Արսենալ», Անգլիա), Յան Կոուտո («Ժիրոնա», Իսպանիա), Վենդել («Պորտու», Պորտուգալիա), Գիլերմե Արանա («Ատլետիկո Մինեյրո»)

Կիսապաշտպաններ – Անդրեաս Պերեյրա («Ֆուլհեմ», Անգլիա), Բրունո Գիմարայես («Նյուքասլ», Անգլիա), Դուգլաս Լուիս («Ասթոն Վիլա», Անգլիա), Ժոաո Գոմես («Վուլվերհեմփթոն», Անգլիա), Լուկաս Պակետա («Վեսթ Հեմ», Անգլիա)

Հարձակվողներ – Էնդրիկ («Պալմեյրաս»), Էվանիլսոն («Պորտու»), Սավիո («Ժիրոնա»), Վինիսիուս, Ռոդրիգո (երկուսն էլ` «Ռեալ Մադրիդ»), Ռաֆինիա («Բարսելոնա», Իսպանիա), Գաբրիել Մարտինելի («Արսենալ»)

Նշենք, որ անվանի ֆուտբոլիստներից բրազիլացիների հայտացուցակից դուրս են մնացել պաշտպան Գլեյսոն Բրեմերը («Յուվենտուս»), կիսապաշտպան Կազեմիրոն («Մանչեսթեր Յունայթեդ», Անգլիա), հարձակվողներ Ռիշարլիսոնը («Տոտենհեմ», Անգլիա), Գաբրիել Ժեզուսը («Արսենալ») և Մաթեուս Կունիան («Վուլվերհեմփթոնը»)։

Հավելենք, որ Բրազիլիայի հավաքականը հունիսի 9-ին ընկերական հանդիպում կանցկացնի Մեքսիկայի, իսկ հունիսի 13-ին` ԱՄՆ-ի դեմ։

«Պենտակամպիոնները» Կոպա Ամերիկայում ընդգրկված են D խմբում և մրցելու են Կոլումբիայի, Պարագվայի ու Կոստա Ռիկայի հավաքականների դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Բայերը գերազանցել է Բենֆիկայի անպարտելիության անհավանական ռեկորդը

Լևերկուզենի «Բայերը» Եվրոպա լիգայի կիասաեզրափակիչի պատասխան խաղում մրցեց «Ռոմայի» դեմ. գրանցվեց 2:2 հաշիվը։

Խաբի Ալոնսոյի թիմը բոլոր մրցաշարերում անցկացրեց 49-րդ անընդմեջ անպարտելի հանդիպումը և գերազանցեց «Բենֆիկայի» անհավանական ռեկորդը։

Պորտուգալական ակումբը 1963-65 թթ. ընթացքում եվրոպական բոլոր մրցաշարերում անպարտելի է եղել 48 խաղում։

«Բայերի» շարքն այժմ պատմության մեջ լավագույնն է այն ակումբների շարքում, որոնք հանդես են գալիս եվրոպական մրցաշարերում։

Լևերկուզենյան ակումբն 2023/24 մրցաշրջանում անցկացրացած բոլոր խաղերում դեռ անպարտելի է։

«Բայերն» ընթացիկ մրցաշրջանում պատմության մեջ առաջին անգամ դարձել է գերմանական Բունդեսլիգայի հաղթող, ինչպես նաև դուրս է եկել երկրի գավաթի ու Եվրոպա լիգայի եզրափակիչ։ Ակումբը Եվրոպա լիգայի եզրափակիչում մայիսի 22-ին մրցելու է «Ատալանտայի» դեմ։ Գերմանիայի գավաթի եզրափակիչում «Բայերի» մրցակիցը լինելու է Երկրորդ Բունդեսլիգան ներկայացնող «Կայզերսլաութերնը»։ Հանդիպումը կայանալու է մայիսի 25-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

ԱՊԼ-ի մրցաշրջանի լավագույն մարզչի հավակնորդները

Անգլիական Պրեմիեր լիգայի պաշտոնական կայքում հարակվել են 2023/24 մրցաշրջանի «Լավագույն մարզիչ» մրցանակի հավակնորդները։

Մրցանակին հավակնում են Պեպ Գվարդիոլան («Մանչեսթեր Սիթի»), Միկել Արտետան («Արսենալ»), Յուրգեն Կլոպը («Լիվերպուլ»), Ունայի Էմերին («Ասթոն Վիլա») և Անդոնի Իռաոլան («Բորնմութ)։

Հավելենք, որ մրցանակի դափնեկրի անունը հայտնի կդառնա մայիսի 21-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Եվրագավաթային եզրափակիչների ժամանակացույցը

Մոտենում են ավարտին եվրատավաթային մրցաշարերը։ Արդեն հայտնի են դարձել բոլոր երեք մրցաշարի եզրափակիչի մասնակիցները։

Այժմ ներկայացնում ենք եվրագավաթային մրցաշարերի եզրափակիչների ժամանակացույցը։

Եվրոպա լիգա

«Ատալանտա» – «Բայեր», մայիսի 22, 23:00 (Դուբլին, «Ավիվա»)

Կոնֆերենցիաների լիգա

«Օլիմպիակոս» – «Ֆիորենտինա», մայիսի 29, 23:00 (Աթենք, «Այա Սոֆիա»)

Չեմպիոնների լիգա

«Բորուսիա Դորտմունդ» – «Ռեալ Մադրիդ», հունիսի 1, 23:00 (Լոնդոն, «Ուեմբլի»)

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Օլիմպիակոսը կրկին հաղթեց Ասթոն Վիլային` դուրս գալով ԿԼ եզրափակիչ 🎥

Կոնֆերենցիաների լիգայի կիսաեզրափակիչի պատասխան խաղում «Օլիմպիակոսը» Պիրեյի «Կարայիսկակիս» մարզադաշտում մրցեց «Ասթոն Վիլայի» դեմ։

Հիշեցնենք, որ դիմակայության առաջին խաղում հունական ակումբը 4:2 հաշվով անակնկալ հաղթանակ էր տարել։

Պատասխան խաղում Խոսե Լուիս Մենդիլիբարի թիմը կրկին հաղթեց` այս անգամ 2:0 հաշվով։

«Օլիմպիակոսի» կազմից դուբլի հեղինակ դարձավ մարոկկացի հարձակվող Այուբ Էլ Կաբին։ 30-ամյա հարձակվողը Կոնֆերենցիաների լիգայի ընթացիկ խաղարկությունում խփած գոլերի քանակը հասցրեց 10-ի և միանձնյա գլխավորեց լավագույն ռմբարկուների ցուցակը։

Այսպիսով, «Օլիմպիակոսը» ընդհանուր դիմակայությունում հաղթեց 6:2 հաշվով և պատմության մեջ առաջին անգամ դուրս եկավ եվրագավաթային մրցաշարի եզրափակիչ, որտեղ մայիսի 29-ին Աթենքի «Այա Սոֆիա» մարզադաշտում կմրցի «Ֆիորենտինայի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Թրիլեր Լևերկուզենում. Բայերը 90+7-րդ րոպեին ոչ-ոքի կորզեց Ռոմայից` դուրս գալով ԵԼ եզրափակիչ 🎥

Եվրոպա լիգայի կիսաեզրափակիչի պատասխան խաղում «Բայերը» Լևերկուզենում մրցեց «Ռոմայի» դեմ։

Հիշեցնենք, որ դիմակայության առաջին խաղում «Բայերը» հյուրընկալվելիս հաղթել էր 2:0 հաշվով։

Պատասխան խաղն անցավ շատ ավելի հետաքրքիր պայքարում, որն ունեցավ թրիլերային ավարտ. «Բայերը» պարտությունից խուսափեց 90+7-րդ րոպեին, իսկ հանդիպումն ավարտվեց 2:0 հաշվով։

Հանդիպման ընթացքում «Ռոման» Լեանդրո Պարեդեսի դիպուկ իրացրացրած երկու 11-մետրանոց հարցածի շնորհիվ հաղթում էր 2:0 հաշվով, սակայն 82-րդ րոպեին Ջանլուկա Մանչինին գրավեց սեփական դարպասը, իսկ 90+7-րդ րոպեին լևերկուզենյան ակումբին պարտությունից փրկեց Յոսիպ Ստանիշիչը։

Խաբի Ալոնսոյի թիմն անպարտելիության անհավանական շարքը հասցրեց 49 հանդիպման։ «Բայերը» 2023/24 մրցաշրջանում անցկացրած բոլոր խաղերում դեռ անպարտելի է։

Այսպիսով, «Բայերը» ընդհանուր դիմակայությունում հաղթեց 4:2 հաշվով և դուրս եկավ Եվրոպա լիգայի եզրափակիչ, որտեղ մայիսի 22-ին կմրցի «Ատալանտայի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Ատալանտան խոշոր հաշվով հաղթեց Մարսելին` դուրս գալով ԵԼ եզրափակիչ🎥

«Ատալանտան» Եվրոպա լիգայի կիսաեզրափակիչի պատասխան խաղում Բերգայում մրցեց «Մարսելի» դեմ։

Դիմակայության առաջին խաղում գրանցվել էր 1:1 հաշիվը։

Պատասխան խաղում բերգամասկներն ունեին խաղային լուրջ առավելություն` հաղթելով 3:0 հաշվով։

Ջան Պիերո Գասպերինիի թիմին հաղթանակ պարգևեցին Ադեմոլա Լուքմանի, Մատեո Ռուջերիի ու Էլ Բիլալ Տուրեի խփած գոլերը։

Այսպիսով, «Ատալանտան» ընդհանուր դիմակայությունում հաղթեց 3:1 հաշվով և պատմության մեջ առաջին անգամ հանդես կգա եվրագավաթային մրցաշարի եզրափակիչում, որտեղ մայիսի 22-ին Դուբլինի «Ավիվա» մարզադաշտում կմրցի Լևերկուզենի «Բայերի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

ԱՊԼ-ի մրցաշրջանի լավագույն ֆուտբոլիստների հավակնորդները

Անգլիական Պրեմիեր լիգայի պաշտոնական կայքում հրապարակվել են 2023/24 մրցաշրջանի լավագույն ֆուտբոլիստի հավակնորդները։

Մրցանակին հավակնում են Էրլինգ Հոլանդը («Մանչեսթեր Սիթի», 25 գոլ, 5 ասիստ), Ֆիլ Ֆոդեն («Մանչեսթեր Սիթի», 16 գոլ, 8 ասիստ), Ալեքսանդր Իսակը («Նյուքասլ», 20 գոլ, 1 ասիստ), Մարտին Էդեգորը («Արսենալ», 8 գոլ, 8 ասիստ), Քոուլ Պալմերը («Չելսի», 21 գոլ, 9 ասիստ), Դեկլան Ռայսը («Արսենալ», 7 գոլ, 8 ասիստ), Վիրջիլ վան Դեյկը («Լիվերպուլ», 2 գոլ, 2 ասիստ), Օլի Վոթկինսը («Ասթոն Վիլա», 19 գոլ, 12 ասիստ)։

Հաղթողը որոշվելու է երկրպագուների ու փորձագետների քվեարկության արդյունքում։ Քվեարկությունը կայանալու է մայիսի 13-19-ը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am