Ֆանտաստիկ թրիլլեր Բերգամոյում.  Ատալանտան ու Տորինոն 8 գոլ խփեցին🎥

Ֆանտաստիկ թրիլլեր Բերգամոյում. Ատալանտան ու Տորինոն 8 գոլ խփեցին🎥

28/04/2022 - 10:41

Իտալական Ա սերիայի շրջանակում կայացավ 20-րդ տուրից հետաձգված «Ատալանտա» – «Տորինո» հանդիպումը։

Հանդիպումն անցավ պարզապես թրիլլերային սցենարով, սակայն ամեն ինչ հերթով։

Կարելի է ասել թուրինյան ակումբը խաղն սկսեց մեկ գնդակի առավելության պայմաններում, քանի որ արդեն 4-րդ րոպեին Անտոնիո Սանաբրիան առաջ մղեց «Տորինոյին»։

Տանտերերը շատ արագ ուշքի եկան և ոչ միայն հավասարեցրին, այլև առաջ անցան հաշվի մեջ։

Նախ 18-րդ րոպեին Լուիս Մուրիելը դիպուկ իրացրեց 11-մետրանոցը, ապա 23-րդ րոպեին Մարտեն դե Ռոնն առաջ մղեց արդեն բերգամասկներին։

Այդուհանդերձ, նախքան ընդմիջման գնալը «Տորինոն» հավսարեցրեց հաշիվը. 36-րդ րոպեին Սաշա Լուկիչը նույնպես աչքի ընկավ 11-մետրանոցից։

Կողմեր ընդմիջման գնացին 2:2 հաշվի պայմաններում։

Երկրորդ խաղակեսն էլ ավելի դրամատիկ ստացվեց։

Խաղակեսի միջնամասում «ցլերն» ընդամենը չորս րոպեի ընթացքում երկու գնդակի առավելություն ստացան։

63-րդ րոպեին «Տորինոյի» կազմից գոլի հեղինակ դարձավ նույն Լուկիչը, իսկ 67-րդ րոպեին Ռեմո Ֆրոյլերը գրավեց սեփական դարպասը։

Ընդ որում, սերբ կիսապաշտպանը կրկին աչքի ընկավ 11-մետրանոցից։

Թվում էր` վերջ. «Տորինոն» այլևս ձեռքից բաց չի թողնի հաղթանակը, սակայն դրա հետ համաձայն չէին Ջանպիերո Գասպերինիի սաները, ովքեր իրենց մեջ ուժ գտան ու ոչ-ոքի կորզեցին խաղավերջում։

78-րդ րոպեին բերգամասկների համար մեկ գնդակ հետ բերեց Մարիո Պաշալիչը, իսկ 84-րդ րոպեին Լուիս Մուրիելը դիպուկ իրացեց այս հանդիպման ընթացքում նշանակված չորրորդ 11-մետրանոցը։

Հանդիպման վերջնամասում այլևս գոլեր չգրանցվեցին, որն ավարտվեց գերգոլառատ ոչ-ոքի արդյունքով` 4:4։

Այս ոչ-ոքիից հետո «Ատալանտան» վաստակեց 55 միավոր և զբաղեցնում է 8-րդ հորիզոնականը։

«Տորինոն», 44 միավորով, 11-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023