ՕԽ. Ռիչարլիսոնի բենեֆիսը. Բրազիլիան գոլառատ խաղում հաղթեց Գերմանիային🎥

Տոկիո-2020-ի շրջանակում ավարտվեց ֆուտբոլի մրցաշարի խմբային փուլի 1-ին տուրը, որի վերջին խաղում մրցաշարի գործող չեմպիոն Բրազիլիայի օլիմպիական հավաքականը D խմբի շրջանակում մրցեց գործող փոխչեմպիոն Գերմանիայի օլիմպիական ընտրանու դեմ։

Հանդիպման առաջին կեսում հարավամերիկացիները քարը քարի վրա չթողեցին «բունդեսմանշաֆթին»` մրցակցի դարպասն ուղարկելով երեք գնդակ։

Հատկանշական է, որ բրազիլացիների բոլոր գոլերն իր անվան դիմաց գրանցեց Ռիչարլիսոնը և դարձավ հեթ-տրիկի հեղինակ։

23-ամյա հարձակվողն իր գոլերը խփեց համապատասխանաբար 7-րդ, 22-րդ ու 30-րդ րոպեներին։

Նախքան ընդմիջման գնալը Բրազիլիան կարող էր ևս մեկ գնդակ ուղարկել մրցակցի դարպասը, սակայն Մաթեուս Կունիայի իրացրած 11-մետրանոցից հետո Գերմանիայի հավաքականին փրկեց դարպասապահ Ֆլորիան Մյուլլերը, ով հետ մղեց գնդակը։

Ամեն դեպքում, կողմերն ընդմիջման գնացին «պենտակամիոնների»` 3 գնդակի առավելության պայմաններում։

Երկրորդ խաղակեսի սկզբնամասում` 57-րդ րեպեին, գերմանացիները Նադիմ Ամիրիի ջանքերով մեկ գնդակ հետ բերեցի, իսկ հաշիվը դարձավ 3:1։

Խփած գոլից հետո Շտեֆան Կուրցի սաները փորձում էին բեկել խաղի ընթացքը, սակայն 63-րդ րոպեին Գերմանիայի հավաքականը մնաց 10 ֆուտբոլիստներով, քանի որ երկրորդ դեղին քարտի պատճառով դաշտից հեռացվեց Մաքսիմիլիան Առնոլդը։

Այդ դրվագից հետո հանդիպումը մասամբ հանդարտվեց, սակայն 83-րդ րոպեին գերմանացիները նույնիսկ տասը ֆուտբոլիստներով ևս մեկ գնդակ հետ բերեցին, որն իր անվա դիմաց գրանցեց Ռագնար Ախեն։

Թրկել խաղը «բունդեսմանշաֆթի» ֆուտբոլիստները չկարողացան։ Դեռ ավելին` այս հանդիպման վերջակետը դրեցին Անդրե Ժարդինի սաները, ովքեր 90+4-րդ րոպեին Պաուլինիոյի ջանքերով հաշիվը դարձրին 4:2։

Այսպիսով, Բրազիլիայի օլիմպիական հավաքականը գոլառատ խաղում 4:2 հաշվով հաղթեց Գերմանիային և 3 միավորով գլխավորեց D խումբը։

Այս խմբում կայացել է ևս մեկ խաղ. Կոտ’դ Իվուարը 2:1 հաշվով հաղթել է Սաուդյան Արաբիային։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am