Վուլվերհեմպտոնը սահմանել է Ռուբեն Նևեշի հրաժարագինը

«Վուլվերհեմպտոնի» կիսապաշտպան Ռուբեն Նևեշի ապագան շարունակում է մնալ անորոշ։

Հայտնի է, որ պորտուգալացի ֆուտբոլիստին իր շարքերում է ցանկանում տեսնել «Բարսելոնան»։

Ինչպես տեղեկացնում է The Telegraph-ը, «գայլերը» 26-ամյա ֆուտբոլիստի վաճառքից ցանկանում են վաստակել նվազագույնը 50 մլն եվրո։

Սպասվում է, որ «բլաուգրանան» առաջիկա շաբաթներին գործարքի հարցում բանակցություններ կսկսի «Վուլվզի» հետ և պաշտոնական առաջարկ կկատարի։

Հատկանշական է, որ «գայլերը» գիտկացում են, որ Նևեշը վաղուց ցանկանում է հանդես գալ Չեմպիոնների լիգայում և, ամենայն հավանականությամբ, կհամաձայնեն նրան վաճառել ամառային տրանսֆերային պատուհանի ժամանակ, քանի որ կա վտանգ, որ վերջինս կհեռանա անվճար. կողմերի միջև գործող պայմանագիրն ավարտվում է 2024 թ. հունիսի 30-ին։

Վերջերս տեղեկություններ կային, թե «Բարսելոնան» ու «Վուլվզը», հնարավոր է, փոխանակում իրականացնեն. Նևեշի գործարքում պետք է ներառվեր նաև Անսու Ֆաթին։

Այդուհանդերձ, նման գործարքն այժմ քիչ հավանական է, քանի որ Ֆաթին չի ցանկանում համալրել «գայլերի» շարքերը։

Հավելենք, որ Ռուբեն Նևեշը «Վուլվզի» կազմում հանդես է գալիս 2017 թ. հուլիսից` անցկացրած 251 խաղում դառնալով 30 գոլի և 13 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am