Սպերցյանի ծառայություններով հետաքրքրված են եվրոպական մի շարք անվանի ակումբներ

«Կրասնոդարի» կիսապաշտպան Էդուարդ Սպերցյանը, հնարավոր է, շուտով փոխի ակումբային գրանցումը։

Ինչպես տեղեկացնում է «РБ Спорт»-ը, 22-ամյա ֆուտբոլիստին իր շարքերում են ցանկանում տեսնել ՊՍՎ-ն, «Լացիոն» ու «Վիլյառեալը»։

Աղբյուրի փոխանցմամբ` հայազգի ֆուտբոլիստի հաջորդ ամենահավանական ակումբը հենց ՊՍՎ-ն է, որի ներկայացուցիչները 2022 թ. նոյեմբերին շփվել է Սպերցյանի շրջապատի հետ։

Բացի դրանից, «կարմրասպիտակների» սկաուտները մշտապես հետևում են Սպերցյանի խաղին։

Նշենք, որ ավելի վաղ Սպերցյանի անունը կապվում էր մեկ այլ հոլանդական ակումբի` «Ֆեյենորդի» հետ, իսկ, ըստ հեղինակավոր Transfermarkt.com կայքի, հայ ֆուտբոլիստին իր շարքերում է ցանկանում տեսնել նաև «Ռեալ Մադրիդը»։

Transfermarkt-ը Սպերցյանի` «արքայական» ակումբի շարքերը համալրելու հավանականությունը գնահատում է 32, իսկ ՊՍՎ տեղափոխությունը` 73%։

Ամեն դեպքում, հաղորդվում է, որ Սպերցյանն ու «Կրասնոդարի» ղեկավարությունը հասել են համաձայնության, որ հայ ֆուտբոլիստն ընթացիկ ձմեռային տրանսֆերային պատուհանի ժամանակ չի հեռանալու ակումբից։

22-ամյա ֆուտբոլիստը ցանկանում է կարիերան շարունակել Եվրոպայում, սակայն այժմ կենտրոնացած է միայն Ռուսաստանի Պրեմիեր լիգայի գարնանային հատվածին պատրաստվելու վրա։

Հավելենք, որ Սպերցյանն ընթացիկ մրցաշրջանում անցկացրած 16 խաղում դարձել է 10 գոլի և 6 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am