Ռոնալդուն ու Մորատան  ամենակարևոր պահին արթնանում են՝  առաջին տիտղոսը պարգևելով Անդրեա Պիռլոյին🎥

Ռոնալդուն ու Մորատան ամենակարևոր պահին արթնանում են՝ առաջին տիտղոսը պարգևելով Անդրեա Պիռլոյին🎥

21/01/2021 - 01:55

Հունվարի 21-ին Ռեջո-նել Էմիլիայի «Մապեյ-Չիտա դել Տրիկոլորե» մարզադաշտում տեղի ունեցավ Իտալիայի Սուպեր գավաթի 2020/21 մրցաշրջանի հանդիպումը, որի շրջանակում միմյանց դեմ մրցեցին «Յուվենտուսն» ու «Նապոլին»։

Հանդիպումը մեծամասամբ անցավ հավասար պայքարում։ Առաջին խաղակեսում հատուկենտ գոլային պահեր ունեին երկու թիմերն էլ։ Նպաստավոր դիրքերից վրիպեցին Իրվինգ Լոզանոն և Կրիշտիանու Ռոնալդուն, իսկ կողմերն ընդմիջման գնացին 0։0 հաշվի պայմաններում։

Հանդիպման 64-րդ րոպեին, ի վերջո, գրանցվեց դարպասի առաջին գրավումը։ «Յուվենտուսի» ֆուտբոլիստները հարձակման աջ եզրում անկյունային հարվածի իրավունք էին ստացել, որի խաղարկումից հետո Կրիշտիանու Ռոնալդուն առաջ մղեց «բյանկոներիներին»։

80-րդ րոպեին Ջենարո Գատուզոյի սաները հաշիվը հավասարեցնելու հիանալի հնարավորություն ունեին, սակայն Լորենցո Ինսինյեն վրիպեց 11-մետրանոց նշակետից։ Իտալացի վինգերի հարվածը շեղ ստացվեց։

Խաղավարտին մոտ «Յուվենտուսի» ֆուտբոլիստները կրկնապատկեցին իրենց առավելությունը․ 90+6-րդ րոպեին աչքի ընկավ փոխարինման դուրս եկած Ալվարո Մորատան։

Այսպիսով, «ծեր սինյորան» հաղթեց 2։0 հաշվով և ռեկորդային 9-րդ անգամ տիրացավ Իտալիայի Սուպեր գավաթին, իսկ Անդրեա Պիռլոն նվաճեց մարզչական կարիերայի առաջին տիտղոսը։

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023