Պորտուի դեմ հանդիպումը հոբելյանական է եղել Հենրիխ Մխիթարյանի համար

Չեմպիոնների լիգայի 1/8 եզրափակիչի պատասխան խաղում «Ինտերը» հյուրընկալվելիս մրցեց «Պորտուի» դեմ. հանդիպումն ավարտվեց 0:0, ինչը թույլ տվեց «ներաձուրիներին» ընդհանուր դիմակայությունում հաղթել 1:0 հաշվով և դուրս գալ հաջորդ փուլ։

Միլանյան ակումբի կազմից ողջ հանդիպմանը մասնակցեց նաև Հենրիխ Մխիթարյանը։

«Վիշապների» դեմ հանդիպումը հոբելյանական է եղել 34-ամյա ֆուտբոլիստի համար։

Բանն այն է, որ Մխիթարյանը Չեմպիոնների լիգայի շրջանակում անցկացրել է 50-րդ հանդիպումը։

Այդ ընթացքում հայազգի ֆուտբոլիստը դարձել է 6 գոլի և 1 գոլային փոխանցման հեղինակ, ինչպես նաև 7 անգամ ստացել է դեղին քարտ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am