Չուպո Մոտինգի հերթական պերֆորմանսը. Բավարիան գոլառատ խաղում հաղթեց Հերտային🎥

Գերմանական Բունդեսլիգայի 13-րդ տուրում «Բավարիան» Բեռլինի «Օլիմպիական» մարզադաշտում մրցեց «Հերտայի» դեմ։

Մյունխենյան ակումբն արդեն 12-րդ րոպեին Ջամալ Մուսիալայի ջանքերով առաջ անցավ հաշվի մեջ։

Այնուհետև եկավ Էրիկ Մաքսիմ Չուպո-Մոտինգի բենեֆիսի ժամանակը, ով ընդամենը մեկ րոպեի ընթացքում երկու գնդակ ուղարկեց «մայրաքաղաքայինների» դարպասն ու հաշիվը դարձրեց խոշոր` 3:0։

33-ամյա հարձակվողն իր գոլերը խփեց 37-րդ ու 38-րդ րոպեներին։

Նշենք, որ Չուպո-Մոտինգը գոլի հեղինակ է դառնում 7-րդ խաղում անընդմեջ` այդ ընթացքում մրցակիցների դարպասը գրավելով 9 անգամ։

Թվում էր` Յուլիան Նագելսմանի թիմը հերթական հեշտ հաղթանակն է տոնելու, սակայն նախքան ընդմիջման գնալը «հերտան» երկու գնդակ հետ բերեց. 40-րդ ու 45-րդ րոպեներին աչքի ընկան համապատասխանաբար Դոդի Լուկեբակիոն ու Դևի Զելկեն։

Երկրորդ խաղակեսում «Բավարիան» շատ ավելի մոտ էր հաշիվը մեծացնելուն, քան տանտերերն` այն հավասարեցնելուն, այդուհանդերձ այս խաղում այլևս գոլեր չգրանցվեցին։

Այսպիսով, «Բավարիան» հաղթեց 3:2 հաղթեց «Հերտային», ինչից հետո վաստակեց 28 միավոր` գլխավորելով Բունդեսլիգայի մրցաշարային աղյուսակը։

«Հերտան», 11 միավորով, 14-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am