Նապոլին լուրջ խնդիրներ ունի` սեփական հարկի տակ պարտվելով նաև Էմպոլիին🎥

Նապոլին լուրջ խնդիրներ ունի` սեփական հարկի տակ պարտվելով նաև Էմպոլիին🎥

12/12/2021 - 23:05

Իտալական Ա սերիայի 17-րդ տուրի շրջանակում «Նապոլին» «Դիեգո Արմանդո Մարադոնա» մարզադաշտում մրցեց «Էմպոլիի» դեմ։

Հանդիպման ողջ ընթացքում Լուչիանո Սպալետիի թիմն ուներ տարածքային ու խաղային հսկայական առավելություն, որն արտահայտվել է նաև թվերի տեսքով։

«Նապոլին» հանդիպման ընթացքում գնդակին տիրել է ժամանակի 60%-ը, կատարել է 30 հարված, որոնցից 6-ը` դիպուկ, իրացրել է 10 անկյունային ու անցկացրել է 85 վտանգավոր գրոհ։

Չնայած ունեցած նման առավելությանը` նեապոլիտանական ակումբն այդպես էլ չկարողացավ գոնե մեկ գոլի հեղինակ դառնալ։

Դեռ ավելին` «Էպոլին» 70-րդ րոպեին Պատրիկ Կուտրոնեի խփած գոլի շնորհիվ հաղթանակ կորզեց։

Այսպիսով, «Էմպոլին» հաղթեց 1:0 հաշվով, վաստակեց 26 միավոր և բարձրացավ 7-րդ հորիզոնական։

«Նապոլին», կրելով երկրորդ անընդմեջ պարտությունը, մնաց 36 միավորով և եզրափակում է լավագույն քառյակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023