Պիռլո․ «Յուվենտուսը շատ կանխատեսելի ֆուտբոլ է ցուցադրում»

Պիռլո․ «Յուվենտուսը շատ կանխատեսելի ֆուտբոլ է ցուցադրում»

04/04/2021 - 14:50

Իտալական Ա սերիայի 29-րդ տուրի շրջանակում «Յուվենտուսը» թուրինյան հերթական դերբիի շրջանակում չկարողացավ հյուրընկալվելիս կոտրել «Տորինոյի» դիմադրությունը․ գրանցվեց 2։2 հաշիվը։

Խաղից հետո իր տպավորություններով է կիսվել «բյանկոներիների» գլխավոր մարզիչ Անդրեա Պիռլոն․

«Հանդիպումը լավ սկսեցինք՝ առաջ անցնելով հաշվի մեջ, ինչն ամենադժվարն է պաշտպանությունից խաղացող թիմերի դեմ։

Սակայն, ինչպես միշտ, խնդիրներ ստեղծեցինք ինքներս մեզ համար։ Մենք հուսով էինք, որ երկրորդ խաղակեսում ավելի լավ հանդես կգանք, բայց անմիջապես մեկնարկում թույլ տվեցինք կոպիտ սխալ և ստիպված էինք վերականգնել հաշվի հավասարակշռությունը։

Ցավոք, նմանատիպ սխալներ հաճախ ենք թույլ տալիս։ Կենտրոնացումը կորցնում ենք։ Գնդակը կորցրիր, քեզ պատժում են։

Սխալներ բոլորն են թույլ տալիս՝ ֆուտբոլիստները, մարզիչները, մրցավարները։ Պետք է հավաքվենք և գիտակցենք, թե ինչ է կատարվում։

Մենք գիտենք, որ պետք է ավելացնենք։ «Յուվետնուսը» շատ միավորներ է կորցնում և տրամաբանական է, որ պետք է շտկի իրավիճակը։ Անհրաժեշտ է աշխատել դիրքային գրոհների և ֆուտբոլիստների տեղաշարժերի վրա։

Այժմ մենք շատ ենք հետ փոխանցում կատարում, ինչի հետևանքով էլ «Յուվենտուսը» շատ կանխատեսելի ֆուտբոլ է ցուցադրում»,- նշել է Պիռլոն, ում խոսքերը մեջբերում է Football Italia-ն՝ հղում կատարելով DAZN-ին։

Հիշեցնենք, որ «Տորինո» 2։2 «Յուվենտուս» հանդիպման 46-րդ րոպեին «ծեր սենյորայի» եզրային կիսապաշտպան Դեյան Կուլուսևսկին սխալ հետ փոխանցում կատարեց, ինչից հետո «Տորիոնյի» հարձակվող Անտոնիո Սանաբրիան դուրս եկավ նպաստավոր դիրք և գրավեց մրցակցի դարպասը՝ հաշիվը դարձնելով 2։1։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023