Միրոսլավ Կլոզեն մարզչական կարիերա է սկսում

Միրոսլավ Կլոզեն մարզչական կարիերա է սկսում

07/05/2020 - 21:45

«Բավարիայի» և Գերմանիայի հավաքականի նախկին հարձակվող Միրոսլավ Կլոզեն կընդգրկվի ակումբի գլխավոր մարզիչ Հանս-Դիտեր Ֆլիկի մարզչական շտաբում։

Այժմ նախկին հարձակվողն աշխատում է մյունխենյան ակումբի մանկապատանեկան թիմերից մեկի հետ, սակայն, ինչպես տեղեկացնում է «Բավարիայի» պաշտոնական կայքը, Կլոզեն սույն թվականի հուլիսի 1-ից կմիանա Հանսի Ֆլիկի շտաբին։ Կլոզեի հետ կնքվել է մեկ տարվա պայմանագիր։

«Ես շատ ուրախ եմ և անհամբերությամբ սպասում եմ այս նոր մարտահրավերին։ Մենք Ֆլիկի հետ ծանոթ ենք, երբ դեռևս խաղում էի Գերմանիայի հավաքականի կազմում։ Մենք միմյանց նկատմամբ անձնական հարգանք ենք տածում»,- մեկնաբանել է Կլոզեն։

Հիշեցնենք, որ Միրո Կլոզեն 16 գնդակով համարվում է ֆուտբոլի աշխարհի առաջնությունների պատմության լավագույն ռմբարկուն։ Կլոզեն 71 գոլով նաև Գերմանիայի հավաքականի լավագույն ռմբարկուն է։ Կլոզեն «Բավարիայի» կազմում հանդես է եկել 2007-2011 թվականներին։

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023