Միլանը հաղթեց Լացիոյին` գլխավորելով մրցաշարային աղյուսակը🎥

Իտալաիան Ա սերիայի 3-րդ տուրի կենտրոնական հանդիպումներից մեկը կայացավ «Սան Սիրո» մարզադաշտում, որտեղ «Միլանը» մրցեց «Լացիոյի» դեմ։

Հանդիպման մեծ մասում «ռոսոներիներն» ավելի վտանգավոր էին գրոհում, ինչն էլ նպաստեց, որ «Միլանը» հաղթի 2:0 հաշվով։

Միլանյան ակումբի կազմից մեկական անգամ աչքի ընկան Ռաֆայել Լեաուն և Զլատան Իբրահիմովիչը։

Հավելենք, որ շվեդ ֆուտբոլիստը վերջին անգամ պաշտոնական խաղերում գոլի հեղինակ դարձել էր գրեթե 6 ամիս առաջ` սույն թվականի մարտի 21-ին, երբ Ա սերիայի նախորդ մրցաշրջանի 28-րդ տուրում գրավեց «Ֆիորենտինայի» դարպասը։

Այսպիսով, Ստեֆանո Պիոլիի սաները 2:0 հաշվով հաղթեցին «Լացիոյին», վաստակեցին 9 միավոր և գլխավորեցին Ա սերիայի մրցաշարային աղյուսակը։

«Լացիոն» էլ մնաց 6 միավոր և զբաղեցնում է 6-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am