Մեսսին թարմացրել է իր իսկ տպավորիչ ռեկորդը

Մեսսին թարմացրել է իր իսկ տպավորիչ ռեկորդը

06/10/2022 - 12:20

Չեմպիոնների լիգայի 3-րդ տուրում ՊՍԺ-ն H խմբի շրջանակում հյուրընկալվելիս մրցեց «Բենֆիկայի» դեմ. գրանցվեց 1:1 հաշիվը։

Փարիզյան ակումբի միակ գոլը 22-րդ րոպեին խփեց Լեո Մեսսին։

Ինչպես տեղեկացնում է OptaJoe-ն, «Բենֆիկան» դարձել է 40-րդ ակումբը, որի դարպասն արգենտինացի ֆուտբոլիստը Չեմպիոնների լիգայի շրջանակում գրավել է, ինչի արդյունքում Մեսսին թարմացրել է իր իսկ տպավորիչ ռեկորդը։

Այդ ցուցանիշով 35-ամյա ֆուտբոլիստին ամենամոտը Կրիշտիանու Ռոնալդուն է, ով Չեմպիոնների լիգայում գոլի հեղինակ է դարձել 38 տարբեր ակումբների դեմ խաղերում։

Նշենք, որ Մեսսին Չեմպիոնների լիգայում կարիերայի ընթացքում ամենաշատը գրավել է «Արսենալի» դարպասը` դառնալով 9 գոլի հեղինակ։

«Զինագործներից» հետո արգենտինացի հարձակվողն ամենաշատը տխրեցրել է «Միլանին» և «Սելթիկին», որոնց դեմ խաղերում աչքի է ընկել 8-ական անգամ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023