Մեծ խաղերի վարպետը. Ռոդրիգոյի դուբլը հաղթանակ պարգևեց Ռեալին Չելսիի դեմ խաղում🎥

Չեմպիոնների լիգայի 1/4 եզրափակիչի պատասխան խաղում «Ռեալ Մադրիդը» հյուրընկալվելիս մրցեց «Չելսիի» դեմ։

Հիշեցնենք, որ դիմակայության առաջին խաղում «արքայական» ակումբը հաղթել էր 2:0 հաշվով։

Պատասխան հանդիպման առաջին կեսում «ազնվականներն» ունեին որոշակի խաղային առավելություն և նախքան ընդմիջում ունեին հաշիվը բացելու երկու հիանալի պահ, սակայն Նգոլո Կանտեն ու Մարկ Մուկուրելիան վրիպեցին բավական նպաստավոր դիրքերից։

Ամեն դեպքում, կողմերն ընդմիջման գնացին 0:0 հաշվի պայմաններում։

Երկրորդ խաղակեսում Կառլո Անչելոտիի թիմը կարողացավ բեկել հանդիպման ընթացքն ու երկու անպատասխան գնդակ ուղարկեց Կեպա Արիսաբալագայի դարպասը` հաղթելով 2:0 հաշվով։

Հանդիպման հերոս դարձավ Ռոդրիգոն` դառնալով դուբլի հեղինակ։

Այսպիսով, «Ռեալ Մադրիդն» ընդհանուր դիմակայությունում հաղթեց 4:0 հաշվով` դուրս գալով Չեմպիոնների լիգայի կիսաեզրափակիչ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am