Համացանցի բոմբը. Չերչեսովը բոլորի առջև բացել է Cola-ի շիշը և խմել այն🎥

Համացանցի բոմբը. Չերչեսովը բոլորի առջև բացել է Cola-ի շիշը և խմել այն🎥

17/06/2021 - 23:57

Ռուսաստանի հավաքականի գլխավոր մարզիչ Ստանիսլավ Չերչեսովը հայտնվել է համաշխարհային ԶԼՄ-ների ուշադրության կենտրոնում։

Բանն այն է, որ 57-ամյա մասնագետը մամուլի ասուլիսների սրահում բոլորի աչքի առջև վերցրեց սեղանին դրված Coca-Cola-ի շշերը, որոնցից մեկի օգնությամբ բացեց մյուս շիշը և սկսեց խմել այն։

Չերչեսովի կողքին նստած էր նաև Ռուսաստանւ հավաքականի կենտրոնական պաշտպան Գեորգի Ջիքիան, ով Ստանիսլավ Չերչեսովի հետ հետաքրքիր կարճ զրույց է ունենում այդ դրվագի հետ կապված.

Տեսել եք` երեկ ի՞նչ է արել Կրիշտիանուն այդ շշերի հետ,- հարցնում է Ջիքիան։

– Ո՛չ,- զարմացած պատասխանում է Չերչեսովը։

Դե նա նստած էր, և առջևից վերցրեց շշերը. կարծես միայն ջուր է խմում,- պատմում է Ջիքիան

Հավելենք, որ Չերչեսովի դրվագի տեսանյութն առաջինը Twitter-ի իր միկրոբլոգում հրապարակել է շվեդ երիտասարդ մարզիչ Ֆաբիան Անդերսոնը, որն արդեն ունի 3.1 մլն դիտում։

Հիշեցնենք, որ Կրիշտիանու Ռոնալդուն, իր հերթին, Հունգարիայի դեմ խաղից (3:0) առաջ տեղի ունեցած մամուլի ասուլիսի ընթացքում իր առջևից վերցրեց սեղանին դրվաց Coca-Cola-ի երկու շշերը և խիստ տոնով բոլորին հորդորեց խմել միայն ջուր։

Հատկանշական է, որ Ռոնալդուի այդ ժեստից հետո Coca-Cola-ի արժեքը համաշխարհային շուկայում նվազեց 4 մլրդ եվրոյով` դառնալով 238 մլրդ եվրո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023