Խավի. «Խոտատածածկի վիճակն ազդեց Բարսայի խաղի վրա»

Իսպանական Լա լիգայի 29-րդ տուրում «Բարսելոնան» հյուրընկալվելիս մրցեց «Խետաֆեի» դեմ. գրանցվեց 0:0 հաշիվը։

Հանդիպումից հետո «բլաուգրանայի» գլխավոր մարզիչ Խավին դժգոհել է «Կոլիզեում Ալֆոնսո Պերես» մարզադաշտի խոտածածկի որակից.

«Խոտածածկի վիճակն ազդեց «Բարսայի» խաղի վրա։ Մենք մարզվել էինք չոր խոտի վրա։ Ես շատ էի լսել այս մարզադաշտի վատ խոտածածկի մասին, և այժմ բոլորը դա տեսան։

Այսպես խաղալը շատ դժվար է. ազդում է խաղի գեղեցկության վրա։ Գնդակը խրվում էր խոտածածկի մեջ։ Այս ամենը վատ է նաև «Խետաֆեի» համար։

Կարևոր է, որ խոտածածկը լինի լավ որակի, սակայն սա արդարացում չէ։

Մենք մեկ միավոր վաստակեցինք, ինչը կարող ենք վատ արդյունք չհամարել` հաշվի առնելով, թե որքան անհարմար էր այստեղ խաղալը։

Կարծում եմ` Լա լիգայում լավ մրցաշրջան ենք անցկացնում, սակայն չպետք է կանգ առնենք։ Առջևում կարևոր խաղեր կան»,- Խավիի խոսքերը մեջբերում է Marca-ն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am