Լիվակովիչը կրկնել է մեկ ԱԱ-ի ընթացքում հետ մղած 11-մետրանոցների ռեկորդը

ԱԱ-2022-ի 1/4 եզրափակիչում Խորվաթիայի հավաքականը 11-մետրանոցներով հաղթեց Բրազիլիային` դուրս գալով կիսաեզրափակիչ։

Հանդիպման հերոս դարձավ խորվաթների դարպասապահ Դոմինիկ Լիվակովիչը, ով հանդիպման ընթացքում կատարեց 11 սեյվ, իսկ հետխաղյա 11-մետրանոց հարվածաշարի ժամանակ հետ մղեց «պենտակամպիոնների» հարձակվող Ռոդրիգոյի հարվածը։

Ինչպես տեղեկացնում է Squawka-ն, Լիվակովիչը դարձել է աշխարհի առաջնությունների պատմության միայն երրորդ դարպասապահը, ով մրցաշարի ընթացքում հետխաղյա 11-մետրանոցների ժամանակ հետ է մղել 4 հարված։

ԱԱ-2022-ի 1/8 եզրափակիչի շրջանակում Ճապոնիայի դեմ կայացած խաղում (1:1, 11 մ – 3:1) Լիվակովիչը հետ մղեց 3 հարված։

Ավելի վաղ նման արդյունք գրանցել էին Սերխիո Գոյկոչեան (Մունդիալ-1990, Արգենտինա) և Դանիել Սուբաշիչը (Մունդիալ-2018, Խորվաթիա)։

Հավելենք, որ Խորվաթիայի հավաքականը կիսաեզրափակիչում մրցելու է Արտենտինայի դեմ։

Այդ հանդիպումը կայանալու է դեկտեմբերի 13-ին` Երևանի ժամանակով 23:00-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am