Լեսթերը դարձավ Չեմպիոնշիփի հաղթող 🎥

Անգլիայի երկրորդ դիվիզիոնի` Չեմպիոնշիփի, նախավերջին` 45-րդ տուրում «Լեսթերը» արտագնա խաղում 3:0 հաշվով հաղթեց «Պրեսթոնին»։

«Աղվեսների» կազմից դուբլի հեղինակ դարձավ Ջեյմի Վարդին, մեկ գոլ էլ խփեց Քեյսի Մաքաթիրը։

37-ամյա Վարդին Չեմպիոնշիփի ընթացիկ մրցաշրջանում խփած գոլերի քանակը հասցրեց 18-ի և լավագույն ռմբարկուների պայքարում բարձրացավ 5-րդ տեղ։ Ցուցակը 25 գոլով գլխավորում է «Բլեքբեռնի» իռլանդացի հարձակցող Սեմի Շմոդիքսը։

Էնցո Մարեսկայի թիմը հաղթանակից հետո վաստակեց 97 միավոր և առաջնության ավարտից մեկ տուր առաջ անհասանելի դարձավ մրցակիցներից` պատմության մեջ 8-րդ անգամ դառնալով Անգլիայի երկրորդ դիվիզիոնի հաղթող։

«Լեսթերը» հաջորդ մրցաշրջանից հանդես է գալու անգլիական Պրեմիեր լիգայում։

«Պրեսթոնը» 63 միավորով 10-րդն է և այլևս որևէ մրցաշարային որևէ նպատակ չի հետապնդում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am