Դիասի բենեֆիսը. Կոլումբիան հաղթեց Բրազիլիային 🎥

ԱԱ-2026-ի որակավորման փուլի Հարավային Ամերիկայի գոտու 5-րդ տուրում Կոլումբիայի հավաքականը Բարանկիլիայի «Մետրոպոլիտանո Ռոբերտո Մելենդես» մարզադաշտում մրցեց Բրազիլիայի դեմ։

Կարելի է ասել` «պենտակամպիոնները» հանդիպումն սկսեցին մեկ գնդկաի առավելությամբ, քանի որ արդեն 4-րդ րոպեին Գաբրիել Մարտինելին բացեց հաշիվը։

Երկար ժամանակ Ֆերնանդո Դինիզի թիմին հաջողվում էր դիմանալ տանտերերի ճնշմանն ու պահպանել նվազագույն առավելությունը, սակայն վերջիններս կարողացան բեկել հանդիպման ընթացքը` կորզելով կամային հաղթանակ։

Նեստոր Լորենցոյի թիմից հերոսացավ Լուիս Դիասը, ով 75-րդ և 79-րդ րոպեներին երկու անգամ գրավեց Ալիսոն Բեկերի պաշտպանած դարպասը` դառնալով դուբլի հեղինակ։

Այսպիսով, Կոլումբիան հաղթեց 2:1 հաշվով։

Հարավային Ամերիկայի գոտու որակավորման փուլի 5-րդ տուրում կայացել են նաև հետևյալ հանդիպումները.

Արգենտինա 0:2 Ուրուգվայ

Չիլի 0:0 Պարագվայ

Վենեսուելա 0:0 Էկվադոր

Բոլիվիա 2:0 Պերու

Մրցաշարային աղյուսակն այժմ ունի հետևյալ տեսքը.

1. Արգենտինա – 12 միավոր
2. Ուրուգվայ – 10
3. Կոլումբիա – 9
4. Վենեսուելա – 8
5. Բրազիլիա – 7
6. Էկվադոր – 5
7. Պարագվայ – 5
8. Չիլի – 5
9. Բոլիվիա – 3
10. Պերու – 1

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am