Դաժան ծեծկռտուք բրազիլացի ոստիկանների և արգենտինացի երկրպագուների միջև 🎥

ԱԱ-2026-ի Հարավային Ամերիկայի գոտու որակավորման փուլի 6-րդ տուրում Արգենտինայի հավաքականը հյուրընկալվելիս 1:0 հաշվով հաղթեց Բրազիլիային։

Հանդիպման մեկնարկից առաջ սկանդալային իրադարձություններ են տեղի ունեցել «Մարականա» մարզադաշտում։

Բանն այն է, որ երբ հնչում էին երկու երկրների օրհներգերը, «Մարականա» մարզադաշտի տրիբունաներից մեկում դաժան ծեծկռտուք է սկսվել։

Միջադեպը տեղի է ունեցել այն տրիբունայում, որտեղ արգենտինացի և բրազիլացի երկրպագուների միջև որևէ բաժանող պատնեշ կամ ցանկապատ չկա։

Գործին միջամտել են բրազիլացի ոստիկանները, ովքեր սկսել են ուժ կիրառել արգենտինացի երկրպագուների դեմ` մահակներով հարվածելով նրանց։ Արգենտինացի երկրպագուները պաշտպանվելու նպատակով պոկել են մարզադաշտի մի շարք աթոռներ։

Իրավիճակը փորձել են հարթել Բրազիլիայի և Արգենտինայի հավաքականի ֆուտբոլիստները, սակայն ոստիկանների և երկրպագուների միջև բախումը շարունակվել է մոտ 15 րոպե։

Ստեղծված իրավիճակում Արգենտինայի հավաքականի ավագ Լեո Մեսսին իր խաղընկերների հետ գնացել են հանդերձարան, իսկ հանդիպումը մեկնարկել է 27 րոպե ուշացումով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am