«Գրիզմանկանտե🤔». Պոլ Պոգբայի գրառումը` նվիրված Անտուան Գրիզմանին 📸

«Գրիզմանկանտե🤔». Պոլ Պոգբայի գրառումը` նվիրված Անտուան Գրիզմանին 📸

15/12/2022 - 11:12

ԱԱ-2022-ի կիսաեզրափակիչի շրջանակում Ֆրանսիայի հավաքականը 2:0 հաշվով հաղթեց Մարոկկոյին` դուրս գալով մրցաշարի եզրափակիչ։

«Եռագույնների» կազմից հերթական հիանալի հանդիպումն անցկացրեց Անտուան Գրիզմանը, ով, ճիշտ է, աչքի չընկավ արդյունավետ գործողություններով, սակայն դաշտում գրեթե ամենուր էր` բազմիցս օգնելով իր թիմին։

31-ամյա ֆուտբոլիստը ոչ միայն հարձակվողական գործողություններով աչքի ընկավ, այլև հիանալի պաշտպանվեց։

Գրիզմանը հանդիպման ընթացքում 3 անգամ գնդակը հեռացրել է սեփական տուգանային հրապարակից, 2-ական անգամ կատարել է գնդակի խլում և կասեցրել մրցակցի գրոհը, ինչպես նաև 1 անգամ փակել է Մարոկկոյի հավաքականի ֆուտբոլիստի հարվածը։

Բացի դրանից, Գրիզմանը կատարել է նաև 4 առանցքային փոխանցում, մրցակիցները նրա նկատմամբ 4 անգամ կանոնների խատում են թույլ տվել, 10 դիրքային մենապայքարներից 6-ն ավարտել է հաղթանակով, ինչպես նաև ստեղծել է 1 իրական գոլային պահ։

Հանդիպումից հետո Գրիզմանի վերաբերյալ իր հիացմունքն է արտահայտել Ֆրանսիայի հավաքականի կիսապաշտպան Պոլ Պոգբան, ով վնասվածքի պատճառով բաց է թողնում ընթացիկ մունդիալը։

Պոգբան Instagtam-ի իր էջի stories բաժնում գրառում է կատարել` գրելով հետևյալը.

«Գրիզմանկանտե 🤔»։

29-ամյա կիսապաշտպանն Անտուան Գրիզմանին նույնականացրել է Ֆրանսիայի հավաքականի մեկ այլ ֆուտբոլիստի` Նգոլո Կանտեի հետ, ում հանդիպումների ընթացքում նույնպես դաշտում կարելի է տեսնել գրեթե ամենուր։

Նշենք, որ Կանտեն նույնպես վնասվածքի պատճառով բաց է թողնում ԱԱ-2022-ը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023