Գործարքը կայացած է. Մարկուս Թյուրամը տեղափոխվում է Ինտեր

«Բորուսիա Մյոնխենգլադբախի» հարձակվող Մարկուս Թյուրամն ազատ գործակալի կարգավիճակում կտեղափոխվի «Ինտեր»։

Ինչպես տեղեկացնում է ինսայդեր Ֆաբրիցիո Ռոմանոն, կողմերը գործարքի հարցում հասել են վերջնական համաձայնության։

Ֆրանսիացի հարձակվողը «ներաձուրիների» հետ կնքելու է 5 տարվա պայմանագիր, որն ուժի մեջ կլինի մինչև 2028 թ. հունիսի 30-ը։

25-ամյա ֆուտբոլիստի տարեկան աշխատավարձը կլինի 6-6,5 մլն եվրո։

Նշվում է, որ Թյուրամի հետ պայմանագիր կնքելուն շատ մոտ է եղել «Միլանը», սակայն վերջինս մերժել է ինչպես «ռոսոներիների», այնպես էլ ՊՍԺ-ի ու «Լայպցիգի» առաջարկները։

Հավելենք, որ Մարկուս Թյուրամը 2019 թ. հուլիսից հանդես էր գալիս «Բորուսիա Մյոնխենգլադբախի» կազմում` անցկացրած 134 խաղում դառնալով 44 գոլի ու 29 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am