Արսենալը սայթաքում է` չկարողանալով կոտրել Ֆուլհեմի դիմադրությունը🎥

Անգլիական Պրեմիեր լիգայի 3-րդ տուրում «Արսենալը» Լոնդոնի «Էմիրեյթս» մարզադաշտում մրցեց «Ֆուլհեմի» դեմ։

Հանդիպումը պարզապես շոկային մեկնարկ ունեցավ «զինագործների» համար, քանի որ հյուրերն արդեն 1-ին րոպեին Անդրեաս Պերեյրայի ջանքերով բացեցին հաշիվը։

Միկել Արտետայի թիմը երկար ժամանակ չէր կարողանում խփել պատասխան գոլը, սակայն երկրորդ խաղակեսում «Արսենալի» ֆուտբոլիստներն ընդամենը 2 րոպեում ոչ միայն հավասարեցրին, այլ առաջ անցան հաշվի մեջ։

Տանտերերի գոլերը 70-րդ ու 72-րդ րոպեներին աչքի ընկան համապատասխանաբար Բուկայո Սակայն ու Էդի Նկետիան։

83-րդ րոպեին «հովեկների» պաշտպան Կելվին Բեսին, ստանալով երկրորդ դեղին քարտը, հեռացվեց դաշտից։

Թվում էր` «զինագործները» կպահպանեն նվազագույն առավելությունը, սակայն 86-րդ րոպեին «Ֆուլհեմի» ֆուտբոլիստներն անկյունայինի խաղարկումից հետո հավասարեցրին հաշիվը. աչքի ընկավ Ժոաու Պալինիան։

Հանդիպման մնացած ժամանակահատավածում տանտերեը չկարողացան այլևս հաղթանակ կորզել։

Այսպիսով, հանդիպումն ավարտվեց 2:2 հաշվով, ինչից հետո «Արսենալը» վաստակեց 7 միավոր և զբաղեցնում է 2-րդ հորիզոնականը։

«Ֆուլհեմը», 4 միավորով, 11-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am