Ազգերի լիգա. Շոտլանդիան կամային հաղթանակ տոնեց Իռլանդիայի նկատմամբ🎥

Ազգերի լիգայի B դիվիզիոնի 1-ին խմբում Շոտլանդիայի հավաքականը Գլազգոյի «Հեմպդեն պարկ» մարզադաշտում մրցեց Իռլանդիայի ընտրանու դեմ։

Շոտլանդացիների համար բավական բարդ հանդիպում ստացվեց, քանի որ հյուրերը, Ջոն Էգանի խփած գոլի շնորհիվ, 18-րդ րոպեից սկսած, հաղթում էին 1:0, սակայն երկրորդ խաղակեսում Սթիվ Կլարկի թիմը բեկեց հանդիպման ընթացքը` հաղթելով 2:1 հաշվով։

Տանտերերին հաղթանակ պարգևեցին Ջեք Հենդրիի և Ռայան Քրիստիի խփած գոլերը։

Այս խմբում կայացել է ևս մեկ հանդիպում.

Հայաստան 0:5 Ուկրաինա

B դիվիզիոնի 1-ին խումբը 5-րդ տուրից հետո ստացավ հետևյալ տեսքը.

1. Շոտլանդիա – 12 միավոր
2. Ուկրաինա – 10 միավոր
3. Իռլանդիա – 4 միավոր
4. Հայաստան – 3 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am