Վալենսիա – Ռեալ, Վիլյառեալ – Ռայո Վալեկանո հանդիպումները հետաձգվել են

Իսպանական Լա լիգայի 12-րդ տուրի «Վալենսիա» – «Ռեալ Մադրիդ» և «Վիլյառեալ» – «Ռայո Վալեկանո» հանդիպումները երկրում տեղի ունեցած ջրհեղեղի պատճառով հետաձգվել են, հայտնում է առաջնության պաշտոնական կայքը։

Իսպանիայի հարավ-արևելքում գտնվող Վալենսիայի շրջանում հորդառատ անձրևները համատարած ջրհեղեղի հետևանք են դարձել։ Ըստ վերջին տեղեկությունների` մահացել է 95 մարդ։

Վալենսիայի որոշ շրջաններ հեղեղված ճանապարհների պատճառով շրջափակվել են և կորցրել կապն արտաքին աշխարհի հետ։

Բնական աղետի պատճառով հետաձգվել են նաև Իսպանիայի երկրորդ լիգայի` Սեգունդայի 13-րդ տուրօ «Կաստելիոն» – «Ռասինգ», «Էլդենսե» – «Ուեսկա» և «Լևանտե» – «Մալագա» հանդիպումները։

Բոլոր հանդիպումների ժամանակցույցի վերաբերյալ Լա լիգան հանդես կգա հավելյալ հայտարարությամբ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից