Ստամբուլ. Լյովա Գևորգյանը մեկնարկեց ջախջախիչ հաղթանակով, Սերգեյ Սարգսյանը պարտվեց🎥

Թուրքիայի Ստամբուլ քաղաքում շարունակվում է ըմբշամարտի ամառային Օլիմպիական խաղերի վարկանիշային վերջին մրցաշարը։

Այսօր` մայիսի 12-ին, պայքարն են սկսել ազատոճային ըմբիշները։

Հայաստանի ներկայացնող ըմբիշներից Լյովա Գևորգյանը (125 կգ) մեկնարկային գոտեմարտում որակավորման փուլում 11:0 հաշվով ջախջախեց Գենադի Կուդինովիչին (Գերմանիա)։ Գոտեմարտն ավարտվեց նախատեսվածից շուտ։

1/8 եզրափակիչում Գևորգյանը մրցելու է Դեն Չժիվեյի դեմ։ 36-ամյա չինացի ըմբիշն ԱԱ-2018-ի արծաթե մեդալակիր է։

Պայքարն սկսեց նաև Սերգեյ Սարգսյանը (97 կգ), սակայն նույն` 0:11 հաշվով զիջեց Չինաստանի ներկայացուցիչ Ավուսայման Խաբիլային։

Հավելենք, որ Ստամբուլի մրցաշարում օլիմպիական ուղեգիր են նվաճում եզրափակիչ դուրս եկած ըմբիշներն ու բրոնզե մեդալակիրների միջև լրացուցիչ գոտեմարտի հաղթողը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am