Սադիո Մանեն բաց կթողնի ԱԱ-2022-ը

Սադիո Մանեն բաց կթողնի ԱԱ-2022-ը

19/11/2022 - 10:12

«Բավարիայի» և Սենեգալի հավաքականի վինգեր Սադիո Մանեն վնասվածքի պատճառով բաց կթողնի Քաթարում կայանալիք աշխարհի առաջնությունը։

«Նոյեմբերի 17-ին Մանեն բարեհաջող վիրահատվել է Ինսբրուկում (խմբ.` քաքղաք Ավստրիայում)։ Վիրատությունն իրականացրել են պրոֆեսոր Քրիստիան ֆինկն ու դոկտոր Էնդի Վիլիամսը, որի ընթացքում ջիլն ամրացվել է աջ ֆիբուլայի գլխիկին։

Այս ամենով պայմանավորված` ֆուտբոլիստը Սենեգալի հավաքականի կազմում չի կարող մասնակցել ԱԱ-2022-ին և առաջիկա օրերին Մյունխենում կսկսի վերականգնողական շրջանը»,- նշված է մյունխենյան ակումբի տարածած պաշտոնական հաղորդագրության մեջ։

Նշենք, որ 30-ամյա ֆուտբոլիստն այս վնասվածքն ստացել էր նոյեմբերի 8-ին գերմանական Բունդեսլիգայի 14-րդ տուրում կայացած «Բավարիա» 6:1 «Վերդեր» հանդիպման ժամանակ` փոխարինվելով 19-րդ րոպեին։

Հիշեցնենք, որ Մանեն, չնայած վնասցածքին, ընդգրկվել էր Սենեգալի հավաքականի վերջնական հայտացուցակում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022