Ռուսական հեղինակավոր ակումբը հետաքրքրված է Մխիթարյանի ծառայություններով

Ռուսական հեղինակավոր ակումբը հետաքրքրված է Մխիթարյանի ծառայություններով

28/12/2021 - 00:37

«Ռոմայի» հայազգի կիսապաշտպան Հենրիխ Մխիթարյանը, հնարավոր է, կարիերան շարունակի Ռուսաստանի Պրեմիեր լիգայում։

Ինչպես տեղեկացնում է Tuttomercatowebը` հղում կատարելով Tuttosport-ին, Մխիթարյանի ծառայություններով հետաքրքրված է «Սպարտակ Մոսկվան»։

Համաձայն աղբյուրի` «Ռոման» չի ցանկանում նոր պայմանագիր կնքել 32-ամյա ֆուտբոլիստի հետ, որն ավարտվում է 2022 թ. հունիսի 30-ին։

Արդեն հունվարի 1-ից սկսած` Մխիթարյանը ցանկացած ակումբի հետ կարող է ինքնուրույն բանակցություններ վարել և հռոմեական ակումբից հեռանալ ազատ գործակալի կարգավիճակով։

Հաղորդվում է, որ հայազգի ֆուտբոլիստի հետ պայմանագիր կնքելու մեծ հավակնություններ ունի «Սպարտակը»։

Այդուհանդերձ, Match TV-ի տեղեկություններով, Մխիթարյանը հետաքրքրված չէ «Սպարտակ» տեղափոխությունով, քանի որ նպատակ ունի կարիերան շարունակել Ա սերիայում։

Հատկանշական է, որ Հենրիխ Մխիթարյանի անունը լրջորեն առնչվում է նաև «Կրասնոդարի» հետ։ «Ցլերի» սեփականատեր Սերգեյ Գալիցկին պատրաստ է հայազգի ֆուտբոլիստին կարիերայից հետո ակումբում աշխատանք առաջարկել։

Հիշեցնենք, որ Մխիթարյանը «Ռոմայի» կազմում հանդես է գալիս 2019 թ. սեպտեմբերից, որի մարզաշապիկով մինչ այս պահն անցկացրել է 96 հանդիպում` դառնալով 26 գոլի և 24 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022