Ռոման շոկի ենթարկեց Ատալանտային` Բերգամոյում ջախջախելով Գասպերինիի թիմին🎥

Ռոման շոկի ենթարկեց Ատալանտային` Բերգամոյում ջախջախելով Գասպերինիի թիմին🎥

18/12/2021 - 19:55

Իտալական Ա սերիայի 18-րդ տուրի շրջանակում «Ռոման» հյուրընկալվելիս մրցեց «Ատալանտայի» դեմ։

«Գայլերը» շոկային մեկնարկ էին պատրաստել տանտերերի համար և արդեն 2-րդ րոպեին բացեցին խաղի հաշիվը. անհատական անցումից հետո աչքի ընկավ Թեմի Աբրահամը։

Բերգամասկները դեռ ուշքի չէին եկել բաց թողած գոլից, երբ 27-րդ րոպեին «Ռոման» Նիկոլո Ձանիոլոյի ջանքերով կրկնապատկեց իր առավելությունը։

Այդուհանդերձ, Ջանպիերո Գասպերինիի թիմը նախքան ընդմիջման գնալը կրճատեց հաշվի տարբերությունը. 45+1-րդ րոպեին գոլի հեղինակ դարձավ Լուիս Մուրիելը։

Երկրորդ կեսը մեկնարկել և ընթանում էր «Ատալանտայի» ֆուտբոլիստների առավելությամբ, ովքեր 68-րդ րոպեին, ի վերջո, հավասարեցրին հաշվիը, սակայն հանդիպման գլխավոր մրցավար Մասիմիլիանո Իրատին Դուվան Սապատայի խփած գոլը խաղից դուրս իրավիճակի պատճառով չարձանագրեց։

Չարձանագրված գոլից հետո շատ չանցած` 72-րդ րոպեին, հռոմեական ակումբը վերականգնեց երկու գոլի առավելությունը. տուգանայինի խաղարկումից հետո աչքի ընկավ Քրիս Սմոլինգը։

82-րդ րոպեին էլ Թեմի Աբրահամը դրեց այս հանդիպման վերջակետը` դառնալով դուբլի հեղինակ և լուսատախտակին վառելով 4:1 հաշիվը։

հավելենք, որ «Ռոմայի» կազմից հանդիպմանը մասնակցեց նաև Հենրիխ Մխիթարյանը, ով փոխարինվեց 88-րդ րոպեին։

Այսպիսով, «Ռոման» 4:1 հաշվով վստահ հաղթանակ տոնեց «Ատալանտայի» նկատմամբ, վաստակեց 31 միավոր` բարձրանալով 5-րդ հորիզոնական։

Բերգամոն ներկայացնող ակումբը մնաց 36 միավորով և եզրափակում է լավագույն եռյակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022