Ռեալը շարունակում է հաղթարշավը` ջախջախելով Մալյորկային🎥

Ռեալը շարունակում է հաղթարշավը` ջախջախելով Մալյորկային🎥

11/09/2022 - 18:00

Իսպանական Լա լիգայի 5-րդ տուրում գործող չեմպիոն «Ռեալ Մադրիդը» սեփական հարկի տակ մրցեց «Մալյորկայի» դեմ։

Ինչպես և սպասվում էր, հանդիպման հենց մեկնարկից Կառլո Անչելոտիի թիմը տիրեց նախաձեռնությանն ու մեծ առավելություն ուներ, սակայն տևական ժամանակ տանտերերին չէր հաջողվում բացել խաղի հաշիվը։

Դեռ ավելին` «Մալյորկան», ինչպես ամպրոպ անամպ երկնքում, 35-րդ րոպեին բացեց հանդիպման հաշիվը. տուգանայինի խաղարկումից հետո աչքի ընկավ Վեդաթ Մուրիքին։

Այդուհանդերձ, նախքան ընդմիջում Կառլո Անչելոտիի թիմը վերականգնեց հաշվի հավասարակշռությունը։

45+3-րդ րոպեին Ֆեդերիկո Վալվերդեն տպավորիչ անցում ձեռնարկեց և մրցակցի տուգանային հրապարակի մատույցներից կատարած հարվածով դարձավ հիասքանչ գոլի հեղինակ` լուսատախտակին վառելով 1:1 հաշիվը։

Երկրորդ կեսում էլ «Ռեալը» տիրում էր նախաձեռնությանը և ուներ տարածքային մեծ առավելություն, սակայն մադրիդյան ակումբի ֆուտբոլիստների խաղում չկար սրություն։

Ամեն դեպքում, 73-րդ րոպեին «սերուցքայիններին» վերջապես հաջողվեց առաջ անցնել հաշվի մեջ. Անչելոտիի սաների բազմաքայլ գրոհը եզրափակեց Վինիսիուսը։

89-րդ րոպեին Ռոդրիգո Գոյեսն անհատական անցումից հետո մեծացրեց «Ռեալի» առավելությունը, իսկ 90+4-րդ րոպեին Անտոնիո Ռյուդիգերը դրեց հանդիպման վերջակետը` 4:1։

Այսպիսով, «Ռեալ Մադրիդը» տոնեց 5-րդ անընդմեջ հաղթանակը, վաստակեց 15 միավոր և վերադարձավ Լա լիգայի մրցաշարային աղյուսակի 1-ին հորիզոնական` շրջանցելով «Բարսելոնային»։

«Մալյորկան», 5 միավորով, 13-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022