Պաշտոնական. Նանին տեղափոխվեց Ա սերիան ներկայացնող ակումբ

Պաշտոնական. Նանին տեղափոխվեց Ա սերիան ներկայացնող ակումբ

15/01/2022 - 11:19

Ինչպես տեղեկացնում է «Վենեցիայի» պաշտոնական կայքը, ակումբը պայմանագիր է կնքել պորտուգալացի հանրահայտ ֆուտբոլիստ Նանիի հետ։

Կողմերի միջև պայմանագիրը կնքվել է 1.5 տարով` մինչև 2023 թ. հունիսի 30-ը, իսկ 35-ամյա ֆուտբոլիստը նոր ակումբի շարքերը համալրել է անվճար, քանի որ գտնվում էր ազատ գործակալի կարգավիճակում։

Հավելենք, որ Նանիի վերջին ակումբը եղել է ամերիկյան ՄԼՍ-ը ներկայացնող «Օրլանդո Սիթին», որտեղից հեռացել է 2022 թ. հունվարի 1-ին։

Պորտուգալացի ֆուտբոլիստն «Օրլանդոյում» հանդես էր գալիս 2019 թ. փետրվարից, որի մարզաշապիկով անցկացրել է 88 հանդիպում` դառնալով 31 գոլի և 18 գոլային փոխանցման հեղինակ։

Հիշեցնենք, որ Նանին առավել հայտնի է «Մանչեսթեր Յունայթեդում» ունեցած մրցելույթների շնորհիվ (2007-2015 թթ.), որի կազմում անցկացրել է 230 հանդիպում` դառնալով 41 գոլի և 73 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022