Շախմատի համաշխարհային օլիմպիադա. Հայաստանի տղամարդկանց հավաքականը կրեց առաջին պարտությունը

Շախմատի համաշխարհային օլիմպիադա. Հայաստանի տղամարդկանց հավաքականը կրեց առաջին պարտությունը

07/08/2022 - 20:11

Հնդկաստանի Չենայ քաղաքում շարունակվում է շախմատի համաշխարհային օլիմպիադան։

Այսօր` օգոստոսի 7-ին, կայացան 9-րդ տուրի պարտիաները, որի շրջանակում Հայաստանի տղամարդկանց հավաքականը մրցեց Ուզբեկստանի դեմ և կրեց առաջին պարտությունը. Արման Փաշիկյանի սաները զիջեցին 1:3 հաշվով։

Հայաստանի հավաքականից պարտություններ կրեցին Սամվել Տեր-Սահակյանն ու Ռոբերտ Հովհաննիսյանը, իսկ Գաբրիել Սարգսյանն ու Հրանտ Մելքումյանն իրենց պարտիաներն ավարտեցին ոչ-ոքի։

Այս պարտությունից հետո Հայաստանի հավաքականը մնաց 15 միավորով և զիջեց առաջատարությունը` նահանջելով 3-րդ հորիզոնական։

Հնդկաստան-2-ը նույնպես ունի 15 միավոր, սակայն լրացուցիչ ցուցանիշներով զբաղեցնում է 2-րդ հորիզոնականը։

Ուզբեկստանը վաստակեց 16 միավոր և գլխավորեց մրցաշարային աղյուսակը։

Տղամարդկանց պայքարում մրցաշարային աղյուսակի վերնամասն ունի հետևյալ տեսքը.

Նշենք, որ Հայաստանի կանանց հավաքականը 9-րդ տուրում 3:1 հաշվով հաղթեց Ռումինիայի ընտրանուն։

Կանանց հավաքականը, վաստակած 14 միավորով, զբաղեցնում է 7-րդ հորիզոնականը։

Կանանց պայքարում էլ մրցաշարային աղյուսակն ունի հետևյալ տեսքը.

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

#

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022